صفّ الغرام وساقها سبع لفات

لاواوجودي وجد مديون بالسجن=واهله بديره مبعده فالمسافات
محكوم عشر سنين باللت والعجن=حكم اجنبي له بالهوى سبع لفات
رجال متعود على الخيل والهجن=باعوه في تزوير بعض الملفات
في عنبر الاجرام نسيوه والمجن=في كل ليله يتعبوه المخفات
من واحدن يشجاه من صاحبه شجن=صف الغرام وساقها سوق صفات
مانيب له مرسول مع حمرة الوجن=واليا لفى جاب العلوم المعفات
علمته ان صويحبه طاجن الطجن =واعطيته علوم الوصال المكفات
لكنه تمادى وزج الغوى زجن =اليين فاض الكيل وانكى الحصافات
مانيب مرسول الهوى وقت ماهجن=ان تاب والا شاف مني الخرافات

صح لسانك أخي الكريم قصيدة رائعة
تسلم على هذه الأبيات والجمال
لك مني كل الود
آمير الكون