أحبك كثر ما نامت عيونك داخل اهدابي .

عسى ما زعلتك البارح وزودت الجراح جراح ** عسى ما مرت الدمعة على اهدابك من أسبابي .
جرحتك من كثر شوقي وخليت الكلام رماح ** ولا ادري شلون يا عمري طعنتك حيل بعتابي .
بدون شعور صدقني ترى كثر الغلا ذباح ** تعال وشوف بغيابك غلاك شلون سوى بي
حرام تغيب من عمري وتعطيني الفراق وشاح ** حرام الدمع في عيني مناديله هي اهدابي .
غيابك يشغل عيون الزوايا وامتلأ أشباح ** وانا انثر صوتك بقلب المكان وأشعل أبوابي
تلفت للأمل دام الرجا في عمري الملواح ** أناديلك ولو شرهة وصولك تقطع اعصابي
أبيك الجاي من عمري أنا مابيك شي وراح ** ما دامك أجمل وآخر ما دامك أول احبابي
أبي أرتاح يا عمري أنا ادري هم تبي ترتاح ** تعال وقبل ما تفرح ترى تفرح بك ثيابي
أحبك يا بعد عمر الحزن والجرح والأفراح ** أحبك كثر ما نامت عيونك داخل اهدابي .