%%% (( أميــــــــر الــــــذوق والـــرِّقه )) %%%

دقّيت بابك .. وجاوبني صدى الدَقّه=
أهلا" بمن طوّل الوقفه على بابي=
قلت آآآه حتى صدى البيبان من حَقّه=
له الشرف يوم يخدم سيّد أحبابي=
مَلِك غرامي .. وأمير الذوق والرِّقّه=
ناخت ببابه مطايا الشوق وإركابي=
فيني هوى الطفل للعصيان والعِقّه=
يتمرّد الشوق كِنّه واحد إرهابي=
حُبّه بقلبي خقق .. وأكبر من الخَقّه=
أذوب لاشفت زوله .. وأفقد أعصابي=
اللي جَمَاله يشعّ لكون ويلِقّه=
عليه في موق عيني تغرق أهدابي=
يالله عسى عاذليني عنه بالطَقّه=
واصل لحدّ الثماله .. ذروة إعجابي=
في ودّيَ أمسك بجيب الثوب وآشِقّه=
لاضاق صدره وكان الضيق بأسبابي=
من يجهل الحُبّ يتعلّم ويتفقّه=
خَلّ المودّي يجيبه مثل ماجابي=
الحُبّ ماهوب ضَمّ ولَمّ في شِقّه=
تقضي وَطَر كل بنت وكل عزّابي=
الحُبّ في أبلغ التصوير بالدِقّه=
إنّ الحبيب أعتبره أقرب من أقرابي=
لكنّ أنا رغم زود الطِّيب والرِّقّه=
حسبي على اللي أحبّه ويش سَوّا بي=
***

وووردوووردووورد.......