%%% (( قــوّة عيــــن )) %%%

ياللي سألني (بقوّة عين) وش فيني؟=عفوا" سؤالك غلط ! ويش اللي مافيني؟
هَمّ .. وعذاب ..وألم .. وإحساس بالغربه=وقلب واقف .. ودمعة حزن في عيني
وضيق خاطر..وقِلّة نوم .. وموادع=والله يجيرك ... ومافيني مكفّيني
من لايبيني ..بعذره وش يبي منّي=حتى أنا صرت كارهني وماأبيني
يعني كفايه .. بدون إحراج لاتسأل=وفّر عليّه سؤالك .. لاتبكّيني
الا أنا بسألك تكفى .. وجاوبني=أسألك بالله .. بين الناس أنا ويني؟
وممكن أسأل سؤال!! ولاتجاوبني=وش السبب في يدينك تعرق إيديني؟
وممكن أسأل ( سعال ) .. أقصد سؤال.. آسف=ليش أرتبك والقُمر خجلان من زيني؟
وش بيني وبينك أترجّاك فهّمني=تسأل وأنا أسألك .. ش اللي بينك وبيني؟
أغلى أمنياتي على الإطلاق ( شي واحد )=ياليت بعض العرب يسمح يحاكيني
***