كل ما مرت الأيام

كل ما مـرت الايـام يومـاً ويـوم

قلت ترجـع الايـام وقـت الصفـا

لين صارت معاناتي نهايـة حلـوم

حل حبل الوفا واللي وعد مـا وفـا

حين عضيت ابهام الندم جت علـوم

اطعنوا في غيابي طعن ظهر وقفـا

ما حسبنا حساب ان الهنا ما يـدوم

قد زرعنا الامل فيه ولكـن اختفـا

قالوا الصبر زين وشفت صبري يعوم

بين بحر الخيانه والهجـر والجفـا

ما جنينا يا كود السب ويا الهجـوم

والعتب والملامه والمرض والحفـا

والكدر والسهر ومطالعـي للنجـوم

كل ليلي سراجي والعـاً مـا طفـا

الله انه يلـوم اللـي لمثلـي يلـوم

ما جرت له هموم وغايباً مـا لفـا