مواطن شجاع يطالب بربع ريال!

مواطن شجاع يطالب بربع ريال!
نقل عن صحيفة الرياض اليوم
كتب - سلطان العثمان:
وقعت مشادة كلامية في أحد محلات التجزئة المعروفة بين أحد المشترين والمحاسب بسبب ربع ريال.وتعود تفاصيل المشاجرة الى ان احد المشترين دفع قيمة مشترياته وبعد اطلاعه على الفاتورة اكتشف بأن له ربع ريال لم يخبره المحاسب به فبدأت المشادة الكلامية معتبراً ذلك الموقف من البائع محاولة لاستغفاله.
وارتفع صوت المشتري لأن من حقه اخباره بذلك والمطالبة به ، فحاول المحاسب تفرقة تجمع المشترين وعبر للمشتري بأنه لا يتوافر لديه ربع ريال محاولاً تهدئة المشتري وامتصاص غضبه كما أفاده بأن سياسة (السوبرماركت) أخذ ما يتبقى من أجزاء الريال وخصوصا العشر هللات حيث لا يمكن تعويض الزبائن بشيء عنها.
ومن ناحية أخرى عبر بعض المشترين بأن هذا الاستغفال دائما ما يتعرضون له في اغلب محلات بيع التجزئة.
وفي ظل التحرّج الاجتماعي تعتبر المطالبة بكسور الريال شجاعة في تجاوز هذا الحاجز.
314 تعليق
تنويه: في حال وجود ملاحظة أو اعتراض على أي تعليق يرجى الضغط على (إبلاغ)
1
ربع + ربع + ربع + ربع = ريال
هذا حقه ولازم ياخذه..
متمرده
ابلاغ 04:12 صباحاً 2008/08/22
2
يجب على كل مواطن أن يكون شجاعاًفي اخذ حقه كاملاً لأن التجار لن يسامحوك في هلله واحده واذا كنت لاترغب في أخذ هذه الهللات فلا ترض أن يعطيك بها حلوى فله فائده في ذلك وعليك مضره قم بأخذ الباقي وتبرع به 000
ابو مالك
ابلاغ 04:14 صباحاً 2008/08/22
3
ياعالم يا شعب يا بشر! انتوا الحين تسبون في التجار وتطالبون بمشاركتهم في بناء المجتمع وانتوا ابخل وابعد ما يكون من كذا!
ياخي ما قعد ها المسكين يسمع كلامك وكلام غيرك اللي يسد النفس الا مقابل العيش 1500 - 2000 ريال راتبه المسكين عف نفسه عن السرقة والتفحيط وقعد في دوام واقف 8 ساعات بس علشان ها اللقمة وانت تحرمه من ربع اقسم بالله ما راح تفرق معك جاك ولا لا!
ياخي بعض الكاشيرات عايش على ها الأرباع ما ياخذونها التجار منهم لأنهم احسن من الشعب في هالأمور! بس حنا جيدين حقنا وحقنا والتكافل الإجتماعي = طز فيه!!!!
بن جامع
ابلاغ 04:17 صباحاً 2008/08/22
4
اخرتها بياخذ علك زي العالم,,, استغلال جهاراًُ نهاراً,,, اجل وش فايده الهلل؟؟؟
حسن الليل
ابلاغ 04:18 صباحاً 2008/08/22
5
الحق حق
احلام
ابلاغ 04:21 صباحاً 2008/08/22
6
وليه زعلانين فلوسه جابها من عرق جبينه في الوقت هذا حتى الهلله تحاسب عليها اما تجار اقولهم خافو ربكم
ام دانيه
ابلاغ 04:22 صباحاً 2008/08/22
7
والله انك الشنب
الميمونى
ابلاغ 04:25 صباحاً 2008/08/22
8
من حقه يطالب
لان البقالة هلله ما تنازل عنها
بعدين دام محتقرين الربع
ليه يكون عمله رسمية
الملازم نامق
ابلاغ 04:27 صباحاً 2008/08/22
9
ه والله يعجبني هذا كفووو والله
والله من حقه الربع هللة ه
محمد عبدالله آل مغيرة
ابلاغ 04:28 صباحاً 2008/08/22
10
وين الشجاعه فيه ؟؟
مسوي سالفه عشان ربع ريال ؟؟
غادة -الرياض
ابلاغ 04:29 صباحاً 2008/08/22
11
الحق حق لو مايسوى حتى يتربى غيره على الحق
نايف الجهني
ابلاغ 04:29 صباحاً 2008/08/22
12
تراهم ياناس يكسبون منها بس فشيله وقويه نطالب بربع عاد
وجدان
ابلاغ 04:31 صباحاً 2008/08/22
13
هذا طبعهم أصحاب المحلات مايتنازل الوحد منهم عن خمس هللات ويجبرها الى ربع أو نصف ريال ويزعل إذا قلت له باقي لي ربع أونصف. والبعض حاط له علك خايس وإذا بقى لك نصف ريال مد يدة وعطاك علك بداله, ولا من غير مايشاورك. وذا قلت ليه قال ماعندي فكه.
هذا الإستغفال ولا يجب السكوت عليه. فلماذا لا يتنازل البائع عن بضع هللات من ربحة.
ابوعمر
ابلاغ 04:35 صباحاً 2008/08/22
14
أي شجاعه.. ربع ريال.. يأتيني ضغط.. وعكر مزاجي علشان ربع ريال..!!
اللهم لا شماته..!!
بنت نجد
ابلاغ 04:39 صباحاً 2008/08/22
15
عز الله انه رجال
لأن لو فيهم خير تنازلوا عن الهللات لصالح المشتري
لعن الله الجشع !!
ياسر
ابلاغ 04:46 صباحاً 2008/08/22
16
كما أفاده بأن سياسة (السوبرماركت) أخذ ما يتبقى من أجزاء الريال
ااي سياسه وكلام فاضي ؟؟ هذي سررقه واستغفال.. ومعهم حق نوعاً ما لان حنا مجتمع مايعترف بالهلل نهائياً مدري ليه؟؟
وبعدين هالسياسه تطلع عليهم ملايين.. يجمعون الهلل ونهاية السنه طلع مبلغ وقدره
ابو خالد
ابلاغ 04:47 صباحاً 2008/08/22
17
من أبسط حقوقه يطالب بالربع. بس حتى البنوك ما تصرف الارباع والهلل.
بس اشوف اللي يطالب بشي زي كذا ( حقنه )
السويحب
ابلاغ 04:48 صباحاً 2008/08/22
18
ربع ريال كفو والله انك مهسترمابقى إلا هي استغفال عيني عينك عاد إذا أخذ الربع وش يبي يسوي به> واحد يفكر وش يسوي بالربع يمكن يشتري علك ابو جني.
zo****m
ماجد
ابلاغ 04:48 صباحاً 2008/08/22
19
العتب مو على المحاسب العتب على البخيل اللي قاعد يسأل عن الربع
خالد علي
ابلاغ 04:49 صباحاً 2008/08/22
20
خذ حقك زي ما يخذو حقهم با الاسعار

في كل مره تنزل فيها السوبر ماركت وبدأت تجمع الربع ريال اللي بيطلع لك بعد الحساب..بعد فتره ستحصل على مبلغ وقدره
ولكن ليس بمثل طريقة هذا المواطن الذي اطلق عليه شجاع ...
الشخص لما يستحي ياخذ الباقي سواء ربع ريال او حتى عشر هللات بالطريقه هذي يعلم عياله على الاستهتار حتى الريال والخمس ريال ماعاد تطلع بعيونهم شي
لكن لو حط له بالبيت حصاله وعلم عياله على تجميع هالارباع بيطلع لها اخر الشهر او اخر السنه مبلغ يقدر يتصدق منه ويكسب الاجرويكافيء اطفاله على تعلم صفة الحرص وان هذا المبلغ ماطلع الا بعد هالمده الطويله ...

وجهت نظر تقبلوها بصدر رحب ^ــــــــــ^
الاستاذ :مشهور
يعطيك العافية على الخبر

والله الربع يسوي سوايا

تصدقون مرات كل ماكان معاي ربع ونص حطيته بحصاله بعد فتره لقيته مبلغ وكان في وقت محتاجه والله
^_^

والله الله لاتخلون لهم الارباع والانصاف لو بقي لصاحب محل .75 هلله ماتنازل خلاك تصرف 10ريال عشانها لو ماعندك هع هع

يعطيك العافيه على نقل الخبر

< <اذا هنا فيه صاحب محل تجاري عزالله رحت شوربه قبل رمضان هع هع

نعم

خذ حقك زي ما يخذو حقهم با الاسعار

والله بطران الاخ المشتري ترى دائما نوقع في المطب
شـكــ وبارك الله فيك ـــرا لك ... لك مني أجمل تحية .