نكهات الجروح

أرجو المعذره مقدماً ان لم ترتقي لمسامعكم

إشراقة الصبح وأصوات العصافير=ما كفكفت دمعة الورد النداوي
صبًحت بالخير يا وجه التباشير=تدري حياتي بدونك وش تساوي
عندي سؤالين محتاجه لتفسير=تجول في داخل الصدر الشقاوي
ليه أنت بالذات حتى طعنتك غير؟=وليه تجرح وأحسً إنك مداوي؟
أغصان قلبي عليها غرًد الطير=غصنٍ ذبحه الغياب وغصن راوي
ماشوف للشوق في وجهك تعابير=وين أختفت حمرة الخدً الحياوي
بعض الغيابات ما تحتاج تبرير=ياكبر جرحك ويابعد الهقاوي
أنا وورد الجوى جينا مسايير=تفتح لنا الباب والا مانت ناوي؟
زمان ما قلت لي تصبح على خير=وانا على شانها سقت الرجاوي
سكين بعدك لها في القلب تأثير=مثبته بالشهود وبالدًعاوي
تعال شوف الغصون وعانق الطير=من رحت ما عاد فيها غصن راوي