ودي بوصلك وانت لاشك تدري !!!!!!!!!!!!!!!!

مما نظمت :
. . .
. .
.
ودي بوصلك وانت لاشك تدري
والظاهر انْ مالك على الوصل نية
.
جاني العنا من بعد غيبتك بدري
نار كوتني داخل القلب كية
.
من كثر ماجرحي توغل بصدري
اصبحت انا للحزن درب ومطية
.
احاول اتصبر و ياطول صبري
عز الله ان البعد همْ وبلية
.
احس انا حبك مع الدم يجري
حتى سكن في كل عرق وخلية
.
اتذكرك في كل حرفٍ بشعري
وفي كل بيت اكتبه تطري عليّه
.
واتذكرك في وقت فجري وعصري
ويجيني الزلزال وقت العشية
.
اواه منك . . اخذت عقلي وفكري
وسرقت مني كل لحظة هنية
.
ان كان صدك ( شك ) ياكل عمري
فعز الله ان هذي قوية قوية
.
وان كان ما تبغاه وضعي بقبري
فلاشك من صدك باذوق المنية
. . .
. .
.
شعر /
راجي الوصل

صح لسانك ملايين

قصيدة رائعة بروعة حظورك

الله يديم الوصل بين المحبين...تحياتي

موفق بإذن الله ... لك مني أجمل تحية .

قصيدة رائعة بروعة الشاعر
ومعاناة تستحق الوقوف
اصبت في وصفها شعرا

جاني العنا من بعد غيبتك بدري
نار كوتني داخل القلب كية

سلمت اناااملك ع الابداااع

لاهنت

وعساك ع القوه