مراكي مره جميع الشعار

يرد عليه ابن الجنوب اذا سمح ويجي اي واحد يبدع ويرد عليه واحد من اشباب وش رايكم
ونبغا مشاركة الجميع عشان نجعلها صفحة تواصل وتعارف

الي تمنو همر والا تمنو كيا=
يبغو مراكي رجل زايد مراكي مره=
هذي مزايا عجب والله يجير البشر=
يبلى صغيري كما يبلى كبيري لها=

صح لسانك يا مشعاب .. وابشر بنا .. طال عمرك.. شي جميل وصفحه بتكون رائعه بروعتك

الرد:إبن الجنوب=
*=
ماأحصي لك اللي يقل ملّيت من نوكيا=
الهاتف اللي قديم وجاء بلا كيمره=
ماجايت التّقنيه للعالم إلآ بشر=
حتى العجوز إبتجيب بلاكبيري لها=

الحقيقه انا جاني عدّة إتصّالات من اصدقاء حريصين على متابعتي وقالوا المفروض ماترد على بدع مشعاب
أرجوا من اخواني الشعار هنا في المنتدى إذا كان ردي فيه مايعيب فلا يبخلوا بالتوجيه وانا بشر وقلت قبل كذا خطاي أكثر من صوابي منتضر ملاحظات وتوجيه الجميع...

اكيد بخصوص البيت الاول
والا لا يبن الجنوب ؟؟؟

ما ادري وش فيها كلمة نوكيا ؟

والله يبن الجنوب ما نشوف منك الا كل خير والبدع مرسوم على ان الرد يكون عن الجوالات .. رد يا رجال وما عليك من الاتصالات ما يصعب عليك شي ما شاء الله عليك

صح لسانك يا ابن الجنوب ومشكور
والي اتصلو عليك سلم لي عليهم وقول لهم لا يسوون فيها اهل معارف ورسميات
الواحد يسوي فيها ابو العريف قدام الناس وهو الله يعلم بحاله
بعدين وش فيه البدع اكيد ما فيهم شده يجارونه والا يحبكون مثله ههههههههههههههه شايف عمري شاعر وانا من جنبها
وردك مافيه شي ولا حد يقدر يفتح فمه بكلمه
المهم والله اني احترمك واعتبر شورك من راسك لكن اذا انك تتوجه بالريموت حسب اهوا ورغبات الناس فالله يعينك
اما انا ماحسب ولا شنب ولا ادري عنهم اهم معي فوق الارض والا لا

وشكر خاص لكل من رد علينا واشكر سامي الطالع ونديم القوافي على تعليقهم الجري الذي لا يتوجه بالريموتتات ولكن ياجي من الروس الصليبه

وشبك يامشعاب كبرت السالفه وهي ماتحتاج الله يهديك أنا لو أتوجه بالريموت على قولك ماكان رديت عليك ياخيه واللي كلموني ماهم شعّار أصلا بس لهم في النقد والموضوع كان مطروح للنقاش وأنا لا أستغني عن ملاحظات الشباب هنا. وصلابة الراس مالها علاقه في موضوعنا...

صحت السنتكم يا المطاليق وانتم شعراء كبار حتى لو فيه كلمة كذيه والا كذيه تعرفون كيف تدرجونها ولا تصعب الا على الشاعر المبتدئ وانتم شعراء كبار ماتصعب عليكم
عموما لا يمنع ان نبتعد عن الكلمات التي تحتمل قولان واللي انتقدوا ابن الجنوب انتقدوه من محبة وعموما البدع والرد مافيه شي كما نرى جميعا لكن الحذر واجب والانتقاء في الشعر أفضل
واصلوا واصلوا ياشعار ونبغى نستمتع بقصائدكم وانتقادكم يزيدنا معرفة وثقافة

شرفتنا بتواجدك يابو أحمد وأنا لو ماني واثق من نفسي ومن كلامي ماطرحت الموضوع هنا وحبيت اخذ رائى شعّار المنتدى لآنهم بالنسبه لي أهم من اللي خارج المنتدى لكن مشعاب الله يهديه يرمي كلام احيانا بدون حساب ولكن أمر الله من سعه...