وســــــــــــــــم شــــــــــاعر

اول الغيث
::
قطــــره
/
تنعش اهدابي
::


اول الغيت قطره/ تنعش اهدابي
....................... يستقيم النظر/ للشمس والفيًه


المطر /هلت امزانه على بابي
...................... والعطر/ هب من غيمه جنوبيه


عشت ماساورتني (لحظة اعجابي)
..................... اقتل الياس / وعروق الندم حيّه


لملمتني/ (عروق الطلح) بترابي
..........................وشتتني/ المجرات السماويه


مالبست/الثياب الا من ثيابي
..........................ولانقشت/ ابتهالات الحراميه


الشفق (وسم شاعر) عاش مرتابي
........................والفضاء فكر /والحاله مزاجيه


اجمل الشعر /لو مايعجب اصحابي
............................ انثره للفجوج الجرد/ عيديه


تمشي الناس / ماتنشد عن غيابي
................ دامها الارض /تحت الشمس / مطويّه


كم هجرت الطروق اللي تغنى بي
............................ وكم تغنيت بالحان الحداوّيه


صقر /لكن خذلني طول مرقابي
............................. كم لي اهدّ / ماحياً لمح فيًه


جيت/ احرر (قلم فكري) من كتابي
..............................ملّ هذا القلم/ جور العبوديه


جيت/ اصفي شراييني من احبابي
..........................بعدما احباب روحي صفو النيّه


تالي الوقت/ ماتتحمل اعصابي
..........................الشقا /والجروح /وميسم الكيًه


شلت /هم العصاه اللي تعصى بي
............................وشلت هم العقول الانتحاريه


لو تضيق البشر/ من نبرة عتابي
......................مايضيق الشِعر /والشمس / والفيّه

صح لسااانك
على هالقصيدة الراائعة
كلمات ومعاااني قمة في الروعـَة
تحياتي وتقديري لك