(-(-(هـــــــلا بــــــك يالغــــــــــــــــلا)-)-)

هلا بك في حنايا صدر خلّك يالغلا حييت=تحية شوق ومحبه لها مصدر وعنواني
ولا فيها مصالح دنويه لا ورب البيت=على وضح النقا ماينتقدها فلان وفلاني
تعلّت عن مدار أهل الفضول أقديت وإلآ أخطيت=لها عندي حساب ولا تقال لكل من جاني
يترجمها لساني حسب مفهومي ولا زلّيت=ولو يعجز كتبت احروفها في صدر ديواني
يزور العين طيفك يالغضي لاأصبحت وإلآ أمسيت=ويسبح بك خيالي وانت راعي كل وجداني
ترى غيرك يجي ويروح ماشوفه ولا أهتميت=ولا من مد كفه لي صديقي يوم حيّاني
أسألك باللذي سوّاك ماتدري ولا حسّيت=ولا أنتابك شعور إني سجينك وانت سجّاني
معك صبري طويل أبشّرك ماأقنع ولا ملّيت=متى ماحنّ قلبك قام حظّي يوم تنصاني
مكاني فوق نجم سهيل إذا كانت بقرب وفيت=ولك تلقاني اقرب من هدب عينك والاجفاني
تهلّي بي وتضحك لي فيافي نجد إذا حلّيت=وتحزن من فراقي شمّخ الديره وتنعاني
ابعلّمك انا مثل القبس مجنون إلآ قبّيت=وأنا برد وسلام إن ماضهر في الجو نغصاني
يضايقني وجود اللأش في هندام راعي الصيت=ويعجبني عزيز النفس ع القاصين والدّاني
أبختم والعذر ياصاحبي لولاك ماغنّيت=ولا في خاطري باصف لي بيتن مع الثاني
هلا بك يابعد كل الخلايق في مكانك جيت=عن اذنك يحتفي بك خافقي ويودّع أحزاني

وهــــلا بــــك يـابـو سالم فـــــي مـكــانــك جــيـــت ...

والله يحييك يالنشمي وصح لسانك وشكراً لك على إتحافنا بهذا العقد الفريد ....لا عدمنا إبداعك وتواصلك.

ابن الجنوب
صح لسانك وعلا شانك وسلم بنانك
راقت لي كثيراً رائعة من روائعك المعهودة
غياب ثم إطلالة مميزة بأبيات تمتاز بشفافيتها
وصقالة احرفها وقوة معانيها
لك كل الشكر والتقدير لاعدمنا جديدك وبوح قلمك الراقي

صح لسانك ......

أبدعت وراق لي ماقرأت

تقبل مروري ... وننتظر جديدك

صح لسانك وسلم بنانك
ولاهنت على هذا الأبداع

صح الله لسانك ملايين يابن الجنوب ... ابداااااااع .. لك التقدير والاحترام من اخوك البرق اللامع

سلمت ودمت على الإبداع

المشاركة الأصلية كتبت بواسطة عاشق المها

وهــــلا بــــك يـابـو سالم فـــــي مـكــانــك جــيـــت ...

والله يحييك يالنشمي وصح لسانك وشكراً لك على إتحافنا بهذا العقد الفريد ....لا عدمنا إبداعك وتواصلك.

صح بدنك أبا فيصل وشاكر لك مرورك وإطرائك الطيب لاهنت...

المشاركة الأصلية كتبت بواسطة لؤلؤة زهران

ابن الجنوب
صح لسانك وعلا شانك وسلم بنانك
راقت لي كثيراً رائعة من روائعك المعهودة
غياب ثم إطلالة مميزة بأبيات تمتاز بشفافيتها
وصقالة احرفها وقوة معانيها
لك كل الشكر والتقدير لاعدمنا جديدك وبوح قلمك الراقي

صح بدنك أختي الفاضله وشاكر ومقدر لك مرورك الكريم وإطرائك العذب لاخلا ولا عدم...

المشاركة الأصلية كتبت بواسطة المبدع.

صح لسانك ......

أبدعت وراق لي ماقرأت

تقبل مروري ... وننتظر جديدك

صح بدنك أخوي محمد ومقدر لك مرورك الكريم وتراها محاولات ليس إلآ أتمنى ترتقي إلى ذائقتكم الشعريه...