%%% (( بين بعضي بعض ..... )) %%%

مساء الشعر والشعراء.. لايخفى على الكثير أن لقب الشاعر
أحيانا" يغلب على إلإسم بالذات في المنتديات ، وهذه محاوره
إرشيفيّه بين الإسم ( الزيادي ) واللقب ( المبدع ) بهذا الشأن
أتمنى أن تحوز على رضاكم وإستحسانكم ............

/

(البدع) : (الزياادي)=
*
يالمبدع في ذا الزمن وش بعد ماظهر؟=
وأنا ذوّقتوك شَهْدٌ وذايقت در=
ليش تاخذ لك في الْوِسْقه والليـث قيله؟=
ماأنت مغصـوبٌ عليها و حَدّ أجبرك=
***
(الـرد) : (المبدع)=
*
كل حيٌّ له جنوبٌ وبطـن وظهـر=
غير ذا ماهو بقادر.. وذا يقتدر=
الجمل سمحان شال الحموله الثقيله=
والقعود أبو سنه يوم حدّج برك=
**
(البدع) : (الزيادي)=
*
إنت مثل اللي بخيـلٌ ويعمـل بصر=
ماتشوف الا ظعاين وتاري خدر=
وأنا ماأتهرّج مع اللاش من كرهتي له=
أدْعَ ربّك وأطلبه ياعسى يُسْتُرك=
***
(الرد) : (المبدع)=
*
يوم تَنْسَدّ المسامع ويعمى البصر=
دير نظـراتك على كل تاريخ در=
في زمن بخـروش ماعاش مُنْكر هتيله=
يوم جيتم شبرقه ياعسايس تُرَك=
***
(البدع) : ( الزيادي)=
*
الذي تَنْهـرْه لكـنّ ماينّهـر=
لا تَحَرّى مِنْه حِكْمه و وجهة نظر=
طالما المقتول ذا اليوم وافى قتيله=
اللي يسقط في جهنم يلاقي الدّرَك=
***
(الرد) : (المبدع)=
*
قبل ماي البحر يصفق بماي النهر=
أنا عندي عين في كـل وجه أتنظر=
والذي مثلك من الناس وافاقتي له=
غير بالله قِدّر الكفو إلى قدّرك=
***
(البدع) :(الزيادي)=
*
الزيادي من صليب الحجاره عَمَر=
يوم خُفّ الثلب ماكنّه الا كَفر=
بشّر المظلوم يرقب للاقصاص ليله=
وأنا باريّح فوادك وبا أبشّرك=
***
(الرد) :(الميدع)=
*
المقدس ماجاء بمفتاحه الا عُمر=
أعتزى له وأذعنت له جيوش الكفر=
كم سيوفٌ حاربت دون الأقصى صليله=
ماهو من بيبان الاسلام باب الشّرَك=
***

صح لسانك انت وبعضك بعض كلام جميل وشقر ولا اروع

مبدعين الله يعطيكم العافيه ...صحّت ألسنتكم على هذه الروائع يالنشامى ...هههههه safaqah

والله يامحمد مافيك حيله ولا يقدر فيك إلاّ داهيه معه ميتين جنيّه .....تحيــــــــــــــــة

بسم الله الرحمن الرحيم

لالالالالالا اهم حضروا وخذ كلام

صح لسانك والله يعطيك العافية يالغالي

منكم واليكم
صح لسانك

انت اكبر ان اعلق فيك

صح لسااانك وتقبل تحياتي

ابداع بلا حدود وعلى قول الخامس صح لسانك انت وبعضك بعض

صح لسانك
موفق بإذن الله ... لك مني أجمل تحية .

يالطيف يالطيف
والله ابدعت يالمبدع واتقنت الدورين والله يوفقك والى الأمام

المبدع الزايدي = الزايدي المبدع
الله يعطيكم العافيه
أنت وانت روعه وعبقريه مالها حدود
بارك الله فيك