البعد يقرب للحبايب زوالها

البعد يقرب للحبايب زوالها=والغربه ماترحم وياشين حالها

والهجر في دنيا الهوى يقتل المنى=يحرم قلوب اهل الهوى من وصالها

قلبي رساله تنتضر قارئ الامل=والعمر فات ولا تحقق منالها

والحزن بين اسطورها يبلغ الاسى=حتى القلم فيّض دموعها وسالها
والشمس غابت واستقرت في الازل=والليل ما تلقى نجومه ضياء لها
صارت ليالي سرمديه على المدى=ترخي على قلب المعنى ضلالها
واحكام ضلاّمه ولا تقبل الرجاء=يجيزها من لا يطيق احتمالها
شلت الثقايل فوق كتفي بلا رجاء=ولا انحنا ضهري لها يوم شالها
خطوه بخطوه والعناوين ضايعه=ورى النجوم الذايبه في جمالها
وارتاح في ضل الهواجيس والتفت=للواحه اللي غاب عنها غزالها
وانضر وانا هايم وفي نضرتي سؤال=والاجوبه تاهت بعالم سؤالها
والعين نامت في ليالي قد انطوت=تعكس بقايا احلامها من خلالها

((علي السبيه))