الشاعر القدير (المبدع) تفضل لاهنت

الحقيقه كما تعرفون انا عضو جديد بالمنتدى وليس لي اطلاع كامل بجميع الشعراء
اخترت الاخ الشاعر المبدع بدون قصور في احد عسى ان نأخذ لنا قاف او قافين
بسم الله

البدع
مرحبا ياشاعرن نطرب لصوته ولغواه
من صيته يتونس الخفاق وناس العظام
وانا مثل النمر لاقص الغوارب والفقاري
له عشرة اعوام ماغادر مكانه من شدا

حياك يااخ سلطان الباجري ونتمنى محاورة ممتعة

ههههههههههه سوي دسكاوند وخلّها ثلاثه اعوام عشان البيت يقر يا سلطان ترا النطق غير عن الكتابه انا ادري انها بالنطق قرّه .. ان عاش راسي لاهب اذاني واذانك اربع .. وصح لسانك ملايين وانت مكسب للمنتدا ولاعضائه

صح لسانك وننتظر المبدع ليكمل الأبداع

صح لسانك يبو خالد
بدع كايف يفوق الوصف
ولو ان البيت الاخير نشب معي مو راضي يركب باللحن ههههه
لو انك جديد قلنا يمكن مكسور لكن انت استاذ ومعلم بالشعر
هي افتني يابو خالد

بانتظار المبدع ليكمل الابداع

صح لسانك ياسمي
والبيت الاخير سليم مافيه شي
بس الكتابه لاتوضح النطق
ودك ترسل البيت الاخير صوتي ياسلطان ههههه
ننتظر المبدع ليكمل المسيره
ومتابعين بعون الله

صح لساااانك يا سلطان

وفي إنتظار المبدع ليضيف إبداع آخر

الله يسلمكم جميع ولاهنتم ومشكورين للاهتمام ونا ماشيبني الا القصايد ولاهو فخر والا اعتزاز
بس صدقوني ماراح انزل قصيدة في منتدى شامخ مثل رباع وفيها كسر لكن النطق لابد يغير الواحد
الكلمه يوم يطرق البيت حتى تضبط ولكن محشومين هذا التعديل

(له حوالي عام ماغادر مكانه من شدا)

الله الله ياسلطان الباجري صح لسانك حتى تلين الصفيان والمبدع شاعر على اسمه مبدع الله يوفقكم
ونتستمع لقارعه ممتعه

المشاركة الأصلية كتبت بواسطة سلطان الباجري

الحقيقه كما تعرفون انا عضو جديد بالمنتدى وليس لي اطلاع كامل بجميع الشعراء

اخترت الاخ الشاعر المبدع بدون قصور في احد عسى ان نأخذ لنا قاف او قافين
بسم الله

البدع
مرحبا ياشاعرن نطرب لصوته ولغواه
من صيته يتونس الخفاق وناس العظام
وانا مثل النمر لاقص الغوارب والفقاري

له عشرة اعوام ماغادر مكانه من شدا

صح لسانك يالغالي ... وحياك الله والعذر على التأخير لي يومين تنفضني الحُمّى تقول ماقد شافتني .. أقبل ردي الملشلش واللي على قد حاله ..

الرد : الزيادي=
***
البقاء بك يامرّحب.. ماإنت من فجّ الغواه=
الذي مثلك عظيم .. وقبله الناس العظام=
كلّنا من بعضنا يوم الغنى بعد الفقاري=
شايب العشرين منّي .. والسبيّه من شدا=
***