الليل يسري بصوت الشوق والذكرى

هذه القصيده المتواضعه اخر انتاج علي السبيه الغلبان واعتذر لاداره المنتدى
وللجميع عن غيابي في الفتره الماضيه لضروف خارجه عن ارادتي واصلا
المنتدى ما ضبط الا بعد ما غبت لو كان دريت غبت من بدري ههههه

الليل يسري بصوت الشوق والذكرى=لبَيه لبَيه ياصوت الهوى الغايب
ليلً يهزه حنين النجم والقمرى=يزرع ورود الصباء في قلبي الشايب
ياليل مالي على احلام الهوى صبرى=من كل الاحلام يرجع ناضري خايب
بيني وبينه بحور البعد والغدرى=وشاطئ الملتقى من وصلنا تايب
مكسور قلبي وصبري يجبر الكسرى=والشوق هايم وفي بحر الهوى ذايب
طالت ليالي الفراق وطوَل المسرى=وراحتي للهواجس راحت انهايب
بردان عمري وفي وسط الحشاء جمرى=ما غير شعري لو ارثي حالتي نايب
يا اهلي ترى حالتي ماعد لها مدرى=فضحني الشوق واغداني منه عايب
ردَو حبيبي ترى ماعد لي قدرى=اللي رماني بهجره رميه الصايب
والا اقربو لي حنوط الموت والسدرى=وذكرى حبيي لقبري حد وانصايب

الله الله يابو طلال
الحمد لله على السلامه شاعرنا الكبير
نور المنتدى بطلتك
وانا فرحت بتواجدك يعلم الله
صح لسانك ملاييين شاعرنا ومعلمنا المحبوب

هلا هلا
هلا بشاعر الغزل كله
هلايابوطلال
نورت المنتدى بحضورك
فقدناك وفقدنا اشعارك
رجعه موفقه
وكلمات غنيه عن الوصف
صح لساانك
وعساك على القوه

شاعرنا القدير
علي السبيه
حياك الله وبياك نورت المنتدى بطلتك المضئه
صح لسانك وسلمت يداك ابيات قمة الجمال والمعنى يفوح شذاها بعبير الورد والجوري
فاضت بها قريحتك العذبه
لاعدمنا تواجدك الراقي
وكل عام وانت بخير وعافيه

مرحبا هيل ... عد السيل

بالفعل المنتدى فقد حضورك

صح لسانك وآخر الغيابات ..

قلبك أخضر حتى في الغياب ..ههههه

ودي وإحترامي...

هلا وغلا والله انا مشتاقين لوجودك بيننا
حياك الله وكل عام وانت بخير وصح لسانك
لين ترضى

اليوم يوم عيد بعودة الغالي أبو طلال
يشهد الله انها من أسعد اللحظات وأجملها
اعرف كم يشتاق لك جمهورك وكم اشتقنا لك
ولولا ان خوفنا ان نشق عليك لكنا اتصلنا فيك كل يوم
حضر أبو طلال عند جمهوره ومحبيه في منتداه الذي احبه وأحبه الجميع
مرحبا مليون .. مرحبا حتى تلين الحصى من صلبها .. مرحبا هيل عد المطر والسيل ..

مين ...؟؟؟ أبو طلال كله هنا ...؟؟؟

ياخي تراني أحترت بين قصيدتك ووجودك بيننا مره أخرى لا أدري أيهما أجمل ؟

وأحترت في من فقدك أكثر نحن أم الشعر أم جنبات المنتدى ؟؟

صح لساااانك مدد بلا عدد

الحمد لله على السلامه و حبيناك بمحبة الناس لك
والله يديم المحبه والالفه
اخوك ابو حسن

بيـنـي وبيـنـه مـوانـي الـبـعـد والـبـحـرى وشـاطـئ الملتـقـى مــن وصـلـنـا تـايـب
بدون تعليق