قصّه وقصيدة...وظفار حنّا

كان صديقي عبدالله في خط سيره بين الدمام وابقيق ..وشاف له جيب حاطين صورة امير قطر في الزجاج الخلفي وايامها العلاقات مع قطر فيها ما يشوبها والا ذا الحين نحمد الله الامور طيّبه..فبدع قصيدة ووجه الرد لتكتمل صورة الجيب من جميع النواحي بما فيه..ورديت في علمه بما في خاطره ........ربي يسعده ويوفقه وين ماهو ..
ترى اللون يناسب اللونغمززززة

الجابري.....بدع=
يقول عبد الله من صحرى قطر جاء عدو راه=
من العديد ابتدا نيّه وم الدوحه نيّه=
وامير دول قطر لو بات حنّاس روحه=
ما حنّ له منطقة تكريت ولا ظفار* حنّا=
سمّار.....الرد=
لله انا منه غِرٌ سرّح الجاعد وراه=
كَنّه حريرٌ على الامتان مدوا حنيّه=
حسيبه الله من ظفّر وحنّا سروحه=
ظفايرٌ رشّها بالطيب واظفار حنّا=

تكريت في العراق وظفار في عمان..

طيب طيب ياشيخ
صحت السنتم ملايييييييين يالغالي
بس انت متاكد انكم شفتم صورة الرئيس القطري
ههههههههههههههه

تقبل مني اطيب تحيه وتقدير

صح لسانك وعلا شانك ولكن ياويلك من بديع زهران
كيف تشرد من المحاوره ليتها من غيرك

وأنا تراني زعلان منك بجد كيف تطنشنا وإلا مانحن على قد المقام؟؟؟

المشاركة الأصلية كتبت بواسطة ملك الليل999

طيب طيب ياشيخ
صحت السنتم ملايييييييين يالغالي
بس انت متاكد انكم شفتم صورة الرئيس القطري
ههههههههههههههه

تقبل مني اطيب تحيه وتقدير

الا متأكد.... كيف علمك؟
يوم حنا وراهم شفنا صورته في الزجاج الخلفي
وتجاوزناهم والتفتنا لهم لفتة ضيقة وشفنا واحدٌ اخرعنا بلمحة عيونه وعودنا نقصّد ونقول يالله السلامه..
احلف والا صدقتني..
يسعدك ربي...ليتك كنت معنا ..كان لي ذا الحين تندف صدرك

المشاركة الأصلية كتبت بواسطة (((بن هندي)))

صح لسانك وعلا شانك ولكن ياويلك من بديع زهران

كيف تشرد من المحاوره ليتها من غيرك

وأنا تراني زعلان منك بجد كيف تطنشنا وإلا مانحن على قد المقام؟؟؟

هلا بك يابو ماجد...ولك حق وابشر بما يرضيك...لكن تراني ما قلت باشاركم قلت ننتظر الثنائي الاخر..هذي واحده والثانيه فو الله النت عندي بطي مرّه البارح واليوم ما هو باحسن وعموما انت السكين وانا اللحم وانت تأمر واللي يرضيك فحاضر وقبلها سلمة وسط راسك..
تسلم على مرورك هنا ولي الشرف بك وبمرورك..

صح لسانك ولسان صديقك على هذا الإبداع ...safaqah
وووردوالله يعين قلوبكم وانصحكم بشرب اليانسون لمدة أسبوع ... ههههه

ابداع لحد الثماله
إنتبهوا لا عاد تطالعون غضو البصر لا يجيكم صاروخ جو ارض
ههههههههههههههه
دمتم بود تحياتي
ترانيم

ههههههههههههههه يضحك
يعطيكم العافيه

صح الله لسانك ياسمار لين ترضى

اما انا ماني زعلان عليك لا والله زعلان على نفسي واستغرب من الاخوان الي كاتبين لهم شعار اكثرهم ولا لهم مشاركات وغصباً يسير من الاوسمه وازمني لاطيح ونطلب منه المشاركه ولا نلقى اجابه
حقيقه ماحظرنا ليكتبون لنا شعار وكلاً يلمح للثاني والقصايد مزوح .
اشكركم ولاعد اعودها .

إبداع يااااااااااااااااااااااااااا بديع صح لسانك ، تقبل كل حب وتقديروأحترام لاعدمنا وجودك وإبداعك يالغالي ،،،،