الى صليب الراس

ياصليب الراس ودي نتحاور في هذه الصفحه محاوره اخويه يسودها الحب والاخاء
وانا اتشرف بمحاورتي مع شاعر مثلك ومنك اتلعم واستفيد والمجال مفتوح للجميع
البدع

وش نرتجي لو هوينا للتلف وانتزينا=
ياليت ساقي مضا بي عاالخطر وانتقل بي=
والمزرع اللي يجود به الثمر سيد الاحباب=
مانجتني الا من اغصان الثمار المحبين=
ومن العنب كم قطفت الفارسي والدواله=

الله الله الله .. يخارجنا يا بو طلال
ارجو ان يرتقي الرد لمستوى البدع ..
الرد

يا مدرج الساق خاف الله بي وانت زينا=
لا تبتعد عن دروبي بالجفا وانت قلبي=
يا كملي المح لما يرضيك يا سيد الاحباب=
ما ظن تلقى مثيلي بين جمع المحبين=
عيونك اسباب علة خافقه والدوا له=

البدع

لاتنتشد عاالبحر وتقول لي ماه وينا=
ولاتظن البحر مثل النهول العذابي=
المسك غالي وعود الطيب لهل الولا طاب=
ياماجنينا من اثمار الغصون المجانين=
وان كان بيديك ميّلت الغصن جَنّ عقله=

السلام عليكم ورحمة الله وبركاته


صحت السنتكم وابداعكم




ابو شهد

[quote="ابو شهد";146282]السلام عليكم ورحمة الله وبركاته
صحت السنتكم وابداعكم
ابو شهد[/quote]
.................................................. ..........
[size="3"]حىالله ابوشهد وصح بدنك وعلى شانك[/size]

الله يهولك يا علي السبية والله انك مبدع .. ما شاء الله تبارك الله
الرد

يا ليتني صفت عن درب الهوى ما هوينا=
من بعد كثر العنا والشوق هول العذابي=
ولا تهنيت في عمري بساعه ولا طاب=
غديت ناحل وتبصرني سواة المجانين=
والناس قالوا صليب الراس قد جَن عقله=

حياك الله اخي ابو شهد ومرحبا بك ...

صح لسانك ياصليب الراس على هذه الردود المحكومه

البدع

اثرك على اسمك صليب الراس لا منت هينا=
والى نهبت الغرض في فزعتي وانتهابي=
ان قلت لك شور لاترفض كلامي ولا تاب=
انتم لنا كارهين اليوم والا معزين=
والمعركه بعد مادارت ترد العزاله=

الله عليكم ابداع

صحت السنتكم ولا عدمناكم

واصلوا

حياك الله يابو احمد وجهز نفسك للمشاركه ما نسمح لك

تحياتي للجميع