بعض الناس مع زعمه اذا سارررررر

ههههههههههههههه


























.ExternalClass .EC_hmmessage P{padding:0px;}.ExternalClass body.EC_hmmessage{font-size:10pt;font-family:Verdana;}

قصيدة لشاب فقير خطب بنت عمه المليونير سبحان من يرزق بتوع الملاييـن*** الرازق اللي ما يخيب الرجـا بـه
لي عم عنده معـرضٍ للصواليـن *** أموت واعرف بس من وين جابـه

وإذا سألته قـال بعـت الدكاكيـن***ما يدري إني ما هضمت الإجابـة

الشاهد إني رحت له قبـل يوميـن***في قصره العامـر ودقيـت بابـه

قال أرحب أرحب عدّد ورد البساتين***يا مرحبا باللـي لفـا يـا هلا بـه

قلت البقا عـدّ النفـل والرياحيـن***يا شيخ شمل أهل الكرم والذرابـه

قال اسلم الله يحفظك لي من العين***وآمر أوامر حضرتـك مستجابـة

قلت الصراحة طالبٍ قرب غاليـن*** ودي تزوجنـي كريمتـك يـابـه

ثنّى وقال أهليـن والله وسهليـن***والكون ترخص لجل عينك رقابـه

لكن ترا عندي شـروط وقوانيـن***قلت اشرط اشرط يا حبيب الغلابـة

قال أولاً مهر العروسـة ثمانيـن***غير الرسوم وغير حق العصابـة

والثانية عمك يبي منـك سبعيـن***رسم الأبـوّة والنسـب والقرابـة

وأم العروسة حقها منـك ستيـن***عشانها ست الحسـن والمهابـة

وإخوانها كلن يبي منـك خمسيـن***عداً ونقـداً تنـدرج فـي حسابـه

وخواتها الخمس عطهن من ثلاثين***عشان تتوثـق عـروق النسابـة

وتجيب طقم عيار واحد وعشرين***وخاتم من الماس المصفى ترابـه

وأكياس متروسة كعوب وفساتين***ألوانهـا وأشكالهـا مـا تشابـه

وموتر بسواقـه وفيـلا بدوريـن***أثاثهـا مـن بطرتـه ينحكـى بـه

واحجز لنا قاعة بقصر السلاطين***واحجز بهـا رقاصتيـن وربابـه

هذي الشروط اللي على بالي الحين***وذكرني اللي ما حسبنـا حسابـه

قلت اذكر الله يا عـدو المساكيـن***واستغفـره لا يبتلـيـك بعـذابـه

الظاهر إنك منت عارف أنا ميـن ***أنا لو أرقى فـوق متـن السحابـه

ما جبت حتى نص درزن مواعيـن***واضحك بكيفك واعتبرهـا دعابـه

شروطكم هذي شـروط المجانيـن***شروطكم شغـل ابتـزاز ونهابـه

شروطكم تقصم ظهـور البعاريـن***شروطكـم همّـن وغـم وكآبـه

شروطكم والله سيوف وسكاكيـن***تذبح بنات المجتمع مـع شبابـه

وين الرضا والعطف واليسر والليـن***اللي ذكرهـا الله بمحكـم كتابـه

وين الصفات اللي أمرنا بها الديـن ***وين اختفى نهج النبي والصحابـة

يا عم جعل اللي خلقنا من الطيـن***يرد عقلك مـن خطـاه لصوابـه

ويجعل نصيبي عند غيرك قل آمين***ويحسن عزا الصابر ويجزل ثوابه

قال أنت لو فكرت تفكير صاحيـن***ما شفت في مجمل شروطي غرابه

حنا بعصـر العولمـة والمزاييـن *** ماهوب عصر الفلسفة والخطابـة

الناس تسعى للرتـب والنياشيـن***وأنت اهتمامك بالشعـر والكتابـة

والشعر ما ينفعك لو هو دواويـن***ما دام جيبك مثـل بيـت الخرابـة

يا بوك لا تسمع كلام المصاخيـن***واسأل مجرب عاش في وسط غابه

قلت الله أكبر يا محـرر فلسطيـن ***من يسمعك يحسبك ذيـب الذيابـه

تراك شايب رأس مالـك رياليـن ***والبنت ما تسوى جنـاح الذبابـة
خربت الأخلاق
قال انقلع مالت على وجهك الشين***لا عاد أشوفـك عندنـا يالزلابـه
قلت ابشر أبشر لكن الباب من وين***وأقفيت من عنده على صوت بابـه

قال أولاً مهر العروسـة ثمانيـن***غير الرسوم وغير حق العصابـة

والثانية عمك يبي منـك سبعيـن***رسم الأبـوّة والنسـب والقرابـة

الله .. الله ..

اختيار موفق وابداع بلا حدود

صح لسانك .. وسلمت يمينك

اجمل تحية لقلبك

اخوك المحب

قصيده رائعه أخي

جــــــابــــــــر

بروعة تواجدك و إبداعك ولكن لي تعليق بسيط على هذا الفقير وأقول إلي ما يطول العنب حامضا ًعنه يقووول
(لي عم عنده معـرضٍ للصواليـن *** أموت واعرف بس من وين جابـه

وإذا سألته قـال بعـت الدكاكيـن***ما يدري إني ما هضمت الإجابـة)ــ
(تراك شايب رأس مالـك رياليـن ***والبنت ما تسوى جنـاح الذبابـة)

تقبل شكري وتقديري يا مبدع

والله العظيم روعة التعليق افضل من الموضوع هم رجال رباع في كلامهم اسال الله ان يغفر لكم ولوالديكم

حبابنا بحور وطور السنين

وأكياس متروسة كعوب وفساتين
وموتر بسواقـه وفيـلا بدوريـن

الأخ في الله الحبيب الغالي جابر : يعطيك العافيه ولاهنت ، وأنا ما ضحكني إلا اللي بالخط الأحمر فوق ، الله يعينهم بتكثر الكعوب جوف الدواليب على شان تتمايل العروس بالكعب بعد الزواج وتسحب منه بعد المية ألف مية ألف ثانيه ، ويعينهم الله على راتب السواق البنقالي اللي يقعد يفر بها
جوف الاسواق ما يبقي شارع لأن زوجها ماهو فاضي لها ، وفلة بمليون فوق المهر على كيس صاحبنا ، وسلمت الأخ جابر ،،،،،،،،،،،،،،،،،،،،،،،،،،،،،،،،،،،،،،،،،،،،،،المـ وج الجندبي

شكرا لك اخي الفاضل ...جابر ....

قصيدة جميله ...ومعاني اجمل ..

لكنني اعتقد بأن مكانها منتدى الشعر النبطي لا منتدى الشعر الفصيح ادامك الله ..

تقبل مروري واحترامي ........


..............................