اعتبرني في بداية سكتك عابر سبيل

من بغى الفرقا لقى له عذر واسباب و دليل . .
خل عنك العذر والاسباب دام الحب ضاع . .
كان ودك بالفراق ابشر عسى عمرك طووويل . .
لاتردد وانت لك كلمه وأمرن. مطاع . .
لي عليك انك تبت بكلمتن تشفي الغليل . .
ولك علي اني لأوقف وقفه الرجل الشجاع . .
لاتجاملني مخافه (قال) مدري خوف (قيل) ..
عمر هرج الناس مايسمن ولايغني جياع
كان قصدك سر حبك اوعدك لأصبح بخيل
واحمل اسرارك معي للموت قدر المستطاع
بس قلها قل ماحبك وابشر بصبرن جميل
لاتحسبني مثل من طبعهم لوي الذراع
صاحبك ماهو كذا ياصاحب القد النحيل
صاحبك طبعه غريب وغربته غربه طباع
فالهوى مايقبل الحل الوسط ولا القليل
مثل ماهو لاشرى يشري وليا من باع بااااااع
ثابت لو هي تميل الارض تحته مايميل
يدري ان الفقر ماهو عيب والدنيا متاع
ماعشق لذة حياته كثر عشق المستحيل
ولاكرة حتى مماته كثر كرة الانصياع
كم تعلم من شديد البدو وش معنى الرحيل
وكم تعلم من غروب الشمس وش معنى الوداع
وكم تعلم من سحاب الصيف وش معنى الحصيل
وكم تعلم من ليال البرد وش معنى الضياع
ايه انا هذا طريقي (موحش ..وصعب.. وطويل..)
وانت لامنك تعبت العالم فجوجه وساع
اعتبرني في بداية سكتك عابر سبيل
ورح وانا قلبي معك من وين وجهت الشراع
‏
‏(؛يكفي اني لاذكرت في سالفه عشاق قيل
عاشر احبابه شجاع ..وفارق احبابه شجاع)؛

بصراحه مش لاقيه رد مناسب
منتهى الابداع بحق
وسوونه هل هذه من ابداع قلمك بصراحة احساسك رائع فى كل كلمة

صح لسانك وعلى شأنك

شـكــ وبارك الله فيك ـــرا لك ... لك مني أجمل تحية .

الف شكر العالم المثالي

ربي يسعدك يارحاب الرحمن

لاخلا من روعة مروركم العطر