عاش الزعيم يحيا الزعيم

عاش الزعيم يحيا الزعيم حيوا الزعيم=الورد ينثر للزعيم والدرب يفرش له حرير
انت الزعيم وابن الزعيم ابن الكريم=انت الشهم وانت المدبر للأمور الي تسير
انت الزعيم انت المدبر والحكيم=بيديك تنحل المشاكل لو بابهامك تشير
انت المسير للأمور انت المدبر والحليم=وانت القنوت المبتهل من نورك الدنيا تنير
الشعب في حبك يسير والكل عايش في نعيم=يدعون لك طول العمر يمنحك خالقنا الكبير
الاكل من افخم طعام والصحه والجسم السليم=غير الطقوم الفاخره ما اعاد بالدوله فقير
مشاكل العيش انتهت باقي فقط حق الحريم=باقي يسوقون الحريم واينام محرمها قرير
حتى البطاله انتهت والحق واضح مستقيم=واسعارنا متهاوده والحق كلً له نصير
هذي شعارات النفاق في مجتمع بائس لئيم=ينافقونك يازعيم والشعب يتألم حسير
حق المواطن في الحياه يكاد يمنعه المقيم=مواطنك اصبح غريب في وسط داره مستجير
ارقى القصور الفارهه الاجنبي فيها يقيم=وارقى المشافي تنحني للأجنبي بامر الوزير
ضاع المواطن يازعيم وحقه الشرعي هشيم=وامنافقين المجتمع لا جيت علوا بالصفير
الحل بتر الأجنبي تراه شيطانٍ رجيم =عسى عظامه تلتهب ويشتعل فيها السعير

حتى البطاله انتهت والحق واضح مستقيم
واسعارنا متهاوده والحق كلً له نصير
هذي شعارات النفاق في مجتمع بائس لئيم
ينافقونك يازعيم والشعب يتألم حسير

صح لسانك ملايين عاد الهمس وعاد الابداع
المشكلة بارك الله فيك في البطانة الخايسة والوزارة النائمة والمستهلك اللي مايعرف كيف يضغط على التجار ...
وسلم لي على الدولار مكتفين الريال فيه تقول زواج كاثوليكي
عام 86م كان سعر الدولار 3.73 ورفعوه الين وصل 3.7540 طيب ليه مايتخذ وزير التجارة قرار برفع قيمة الريال امام الدولار رفعوه باذانه الين ينشدق ويخلي سعر الصرف 2.50 وتنحل كل مشاكلنا صحيح الشبعان مايدري عن حاجة الجيعان
كان برميل البترول ب9 دولارات يعني يوم ارتفع سعر البرميل الين 100 دولار ترتفع الاسعار وبدل ماتدفع الدولة القيمة من البترول ندفعها من جيوب الغلابة .
صيحوا معي جميعا تعظيم سلام دولار افندي ...

الله الله صح لسانك وعلى شانك وفعلا عاد الهمس وعاد الابداع
ولو اني اتحفّظ على الثلاث الابيات الاولى من القصيده

ابداع ومضمون في غاية الروعه
تقديرى

يعطيك العافيه.

الله يعطيك العافية