طرب راسي

المدلع=
ياهل هذا السوق بالله وين ركن البيع والشريان=
كلها ادكاكينكم للعرض وابغي مبايعه واشرايه =
عندي اجناها ذهب واعرف ريال الفضه والاوراق=
ان يكن ذا سلم هذا السوق فانا واحدٌ من ربعي=
وان يكن شي غيرها فانا طرب راسي لغيرها=

الرد / الصهيبي=
مرحبا ترحيبة(ن) تسري مع دمّك في الشريان=
مير وش ظن المدلع في رباع المعرفه وش رايه=
اهل مجد(ن) لو كتب ماسدّه الحبر المدي لو راق=
ولدههم لامن تعزوى قال كم خصم(ن) غدى من ربعي=
مايعوّد لين يثني قوّة(ن) تبدي بغيرها=

المدلع

الصهيبي


صحت قلوبكم والسنتكم والله يعطيكم الف عافيه

عساني معدمكم

صح لسانك ياالمدلع على هذا البدع الرائع والطيب
وصح لسانك ياشاعرنا الغالي الصهيبي على ردك الوافي

الصهيبي مشكور على ردك اعجبتني ولا انصفتني
الفضيلي مشكور على مرورك وصح قلبك وبدنك
السبيه مشكور على تشجيعك لاخلا ولا عدم

الصهيبي هاك واذا ما اعجبتك لاتجاملني قل كان...

البقاء وانحن على الحاسوب ما جيت اعدن الصفيان=
وانت شاعر تفهم المعنى وتعرف مقصدي والغايه=
لاتحد الروح من فوق التلف واكسع عليك اشتاق=
لي عشرة ايام وانا ادور المقراع رد وبدعي=
مالقيت الا علومٌ منقله ماخوذ خيرها=

هذا البيت عجيب ياالمدلع

البقاء وانحن على الحاسوب ما جيت اعدن الصفيان

الله الله
صح لسانك يالمدلع
وابا الله من شاعر(ن) ماينصفك ولا من غنواي(ن) ماتطربك
هذا ردي ياطويل العمر ومجاراتك شرف
والمعذره عالقصور

الرد / الصهيبي=
والله انّا نورد النهل المعذّب والعدْ الصفيان=
استمعنا وانتشينا واستوى لك مقصدي ولغايه=
والكفو روحه تتوق لمثلكم والا الردي وش تاق=
وانت تدري كل دين يزيد في منهجه رد وبدعي=
لا تشاورني بحكمه بهتدي منها و اخيرها=

اخوك
الصهيبي

وهذا البيت باقي اروع ياصهيبي

والله انّا نورد النهل المعذّب والعـدْ الصفيـان

اثنينكم شعار على مستوى عالي وصحت السنتكم وابدانكم

الله الله يالمدلع كيف لو كان ما انت مدلع
والله صح لسانك ياشيخ ويعطيك العافيه

الصهيبي
اوه يالصهيبي انت قصه جميله وطويله في سماء الابداع
ويكفيني من الشرف طاري اسمك على لساني

تحياتي لكم اخوكم ابو صالح