والعيد هل يا زهران

حيالله كل من مر من هنا
والله يعطيك العافيه يابو طلال والقصايد معك شرف

الرد

ياذيب لا قر صيدك لا تكبًر عواك=
الله كم ذيب ضيًعه العوى وأنقتل=
ولا هبا في الرعيًه قتلتن وافتراس=
ياذيب كثر العوى صحى الغنم والرعاة=
كثر العوى ما يجيب الصيد يا ذيبنا=

الله يعافيك ياشيخ زهران وانا اللي اتشرف بمجاراتك
واعتبر اني تلميذ في محاضره مع استاذه

البدع:علي السبيه=
.=
وش هبد جا للمزارع ماالمطر وش دهاك=
شال الخلايا ولا ادري فين ولج النحل=
مايدفي الجنب لو دونه غطى والتباس=
تتفاوت اشكال خلق الله والجنسيات=
لو يولج الموت بي في كل ولج انعنا=

لازلت من المتابعين لهذه المحاورة الجميلة وعلي السبية قاعد يستثير مكنونات زهران

ياذيب كثر العوى صحى الغنم والرعاااة
كثر العوى ماااايجيب الصيد ياذيبنااااا
*******************************


بعد بشعرك غدا يتناقلوووون الرواة
وانا من اليوووووم قلت العلم وارويت انا

ياسلام ياسلام

الساهر متابعتك واشادتك تشريف لي أنا شخصياً
لا هنت

وش صار لك بعدنا يا صاحبي وش دهاك=
مضيت من وادي المضحاه والجنً حل=
وجاك مسً من الجن ياعلي والتباس=
لكن في حالتك ما جا من الجن سيات=
ما دامها شاعره ما جا من الجن عنا=

الرد :

حياك الله ياالساهر ومرورك يشرفنا ونعتبره تاج على روسنا

البدع:علي السبيه=
.=
يا وجه الافراح جفن السعد والمنس راك=
طل الدوى للقلوب اللي معاليل طل=
عُسّ الذي يتلي الزفرات وينّ عاس=
مادمت بتّيت في بعض المسايل مبات=
البرق في البحر وبعد يوصل النو منى=

الرد

يا ليل الأحباب لا تصبح على من سراك=
الى سروك الحبايب والمعاليل طل=
لا عاد تملا عيون اهل الهوى بالنعاس=
ما بعد دمع العيون اللي مسايل مبات=
ما ودنا تصبح الشرهه على نومنا=

البدع:علي السبيه=
.=
يا باكي القدس كم مسلم على القدس باك=
معذور جفن(ن) يهل الدمع للقدس هل=
ماالنصر من قوم حزب الله ولا من حماس=
حكامنا عذّرو ما قالو القدس هات=
ينصرك ربي على الحكام يا قدسنا=

الرد :

مسكين ياقلبي اللي مايس القد سباك=
غشيم تحسب ملاقى مايس القد سهل=
تراه ما حنً من ياسك ولا من حماس=
عيني وأنا والهوى في مايس القد سهات=
الخد ورده وغرًة مايس القد سنا=

تشرفت بمجاراتك ياشيخ زهران في هذه الصفحه والى ان نلتقي في
محاوره ثانيه وشكري وتقديري لكل من شرفنا بمروره الكريم كلن باأسمه

الشرف لي يابو طلال
وأشكرك على سعة صدرك
وما أنا الا طالب في محاضره مع أستاذه