لاتنشدوني بيرق الشوعرى منهو له !!!!!!!؟؟؟؟####

انا والله ماارسلة لبن الجنوب وقلت احذف قصيدة فلان وعلان واتحداك اذا ان احد سواها هنا في المنتدى وجب الدليل حق قصيدتك المحذوفه ,,,, لكن بالله شوفوا من الي اخطا ولا عندنا لا تعصب ولا ازنه يابو كداش انت والسامي لكن انتم تغلطون ولا تبغون احد يغلط عليكم ولا احد غلط عليكم تضيقون وتقلون هويه ,,,, ونتم صراحه جبتم مشاكل للمنتدى وجاكم من يوقفكم عند حدكم ويقعر عنكم ,,,

نهاية السالفه ومن الأخير ...

أنا هنا اعلن بالفم المليان وليس خوفا من ابو كداش والسامي وصبي بلسمر لا والله احترام لاابو احمد وابن الجنوب وجميع من في المنتدى وسمعة المنتدى ,, لا عاد تدعني في محاوره اتحاور معكم اوا رد على قصيده لكم انتم الثلاثه لاني اعرف نواياكم وراح يجي من يوقفكم عند حدكم ,,,,

وصلى الله وبارك ,,,

اول شيء شيء صبي بللسمر ماله دخل الرجال احترمك وقال ماهو عدل ثلاثة ضد واحد شفت انك تسب الضيوف وثاني شيء انت قصايدك بذئية وتبغى شعار عقال عشان مااحد يقدر يهجدك لكن انا اطلب رباعيه انا والسامي ضد ابن الجنوب وارخميدس وانشوف اذا انتصرتم نخرج من المنتدى واذا فزنا ارخميدس ناخذ لقب شعار

أبو كداش ممكن اطلب منك أن يكون الكلام بيني وبينك وأرجوا عدم التدخل من اي طرف ثاني...

ارجوا إجابتي على هذه الاسئله لو تكرمت...

1- متى حذفت لك او لغيرك قصيده مكتملة العناصر ولا عليها ملاحظه؟؟؟
2- طلبت من السامي تعديل بيت في بدعه الاول وإنت بنفسك أعترفت إن البيت مايغني ورجعت تقول قصايد
السامي مافيها شي الا ترى هنا إنك ناقضت كلامك ؟؟؟
3- إختصار لوقتك ووقتي (لقب شاعر)ليس في متناول الجميع وانا شخصيا لم اقرا لك قصيده ولا حتى
نقاش عادي يدل على حسن نيه في إنضمامك لهذا المنتدى فقط خلقت لنا بلبله واشغلتنا عن ماهو أهم من نقاشك وقصايدك السؤال هنا هل عندك إستعداد لتقديم افضل مما قدمت من نقاش وقصايد أم هذا هو مستواك؟؟؟
4- اوردت إسمي في ردك على السامي هل لمجرد تكملة بيت القصيده بإسمي أم لك وجهة نظر ثانيه ؟؟؟
.. ..تقبل تحياتي وتقديري

....

أبو كداش ودك أنت والسامي تحيلون عني في سعة الله حد وربي راضن عنكم ,,,
لا ويبغى قارعه معي انا وابن الجنوب ,,, يابن الحلال انا لوحدي ماقدرت فيه لنت ولا السامي كيف لاصار ابن الجنوب معيه ,,, يااخوان اتمنى تنهون الكلام هذا والقصص الي لاتودي ولا تجيب وتقفلون المواضيع هذي ,,, لان الضرب في الميت حرام ,,,

يا اخوان الله يمسيكم بالخير جميعاً
اولاً يعلم الله انا اخوان واحباب ويمكن لو تقابلنا في مجلس احدنا استحى كل شخص من الاخر
مافي داعي للعنصريه الزايده واختلاق البلبله
واحب اوضح ((ان الشاعر الواثق من نفسه تجده لايتجه للمهاترات لان شعره يفرض نفسه
اما من يتعلق بالمهاترات فيحب جلب الانظار اليه ))
قبل ان يثبت الشخص شاعريته المفروض ان يرتقي باخلاقه فاذا لم تكسب حب الناس هنا يسأل الواحد نفسه ماذا يستفيد 0
اتمنى ان نكون اخوان يجمعنا الحب والروح المرحه والقلوب الصافيه نتقبل النقد من اصحاب الخبره وليس بالعيب ان الشخص ينمي موهبته ويستفيد من توجيه الاخرين العيب الحقيقي ان تبقى مكانك لاتتقدم بسبب تعاليك وعدم توجهك الصحيح
لولا هدفنا تنميه المواهب لجاملنا وقلنا صح لسانك
والكلام بلاش ولن يلحقنا ضرر بقدر مانكون غشيناك وتساوت القصيده الزينه والشينه بعبارات مجامله 0
اتمنى وصلت الفكره واتمنى ان نلتقي على حب وموده
واتمنى للجميع التوفيق ولكم حبي واحترامي

اول شيء انا مستواي اعلى من كذا بكثير واذا ماتعرف مستواي اسال جارالله الخامس والساهر وفهد قزعة هؤلا رجال محترمين ويعرفون مستواي ولكن ارخميدس لسانه متبري منه تدري وش
السامي سوى قصيدة رايعة لن توصل لمستواها يابن الجنوب في موضوع من المواضيع رد عليه ارخميدس يقول الناقة المعقولة وكلام بذي وش هو هذا لماذا لم تحذف هذه القصيدة ارجو الاجابه
على هذه الاسئلة

اسمحلي يابو كداش ان اسلوب خطابك غير لائق للنقاش اصلاً
وش القصيده اللي مايوصل لها ابن الجنوب
(( السيف)) فاما انك لاتعرف معنى القصيده او تتجاهل وطالما حطيت مثل هذه القصيده للتقييم على قصائد شاعر مثل ابن الجنوب فهذا بحد ذاته يكفي لمعرفة قياس الفهم للقصائد
لماذا يزج باسم ابن الجنوب في السالفه هل المقصود
توسيع دائرة المهاترات
الرجل تعامل بحديثه بكل اخلاق ولم يتعدى على احد
اما مسألة تقييمه فقصائده تشهد له ولا يحتاج شهاده مني او من غيري 0
ويااخي الكريم السامي على روسنا وانت كذلك بس تجنبو الحزازيه الزايده والتقييم واتركو المجال للجمهور وكل واحد يحتفظ بقناعته لنفسه
فما فيها شي لو شفت نفسي كما البيضاني بس اهم شي لاحد يدري عن قناعتي لاني اعرف ان هناك وجهات نظر ويجب علي احترامها

اتمنى يابو كداش ان تقبل كلامي كأخ لاخوه وطالبك طلبت رجال ان نبقى ويبقى الجميع بدون نقاشات ماترقى بنا كرجال ونجتمع على حب وموده القصايد والكلام تطير في الهواء ولن يبقى الا معادن الرجال واصالتها واخلاقها وسيرتها وذكرها بالخير
ولك اخي الكريم وللجميع حبي واحترامي

المشاركة الأصلية كتبت بواسطة ابوكداش

اول شيء انا مستواي اعلى من كذا بكثير واذا ماتعرف مستواي اسال جارالله الخامس والساهر وفهد قزعة هؤلا رجال محترمين ويعرفون مستواي ولكن ارخميدس لسانه متبري منه تدري وش
السامي سوى قصيدة رايعة لن توصل لمستواها يابن الجنوب في موضوع من المواضيع رد عليه ارخميدس يقول الناقة المعقولة وكلام بذي وش هو هذا لماذا لم تحذف هذه القصيدة ارجو الاجابه
على هذه الاسئلة

السامي هذا تعالوا به هنيه خلونا نامح وش عنده ,, ولا تفكرنا يابو كداش مانفهم وش قال السامي ,,,, وبعدين انت تختفي شويه وتطلع وشفي راسك انته ,,,

البدع/درع الجزيـــــــــــــــــــــره

ياراعي الذود المغاتير والسمـــــــــــــر
مايهدر الى كل سمحان يابطــــــــــــل
اشره على ناسن مضاريبهم محلولــــــه
تدور الصيده وهي فوق ظهرهـــــــا

الرد/درع الجزيـــــــــــــــــــــــــــــره

زل الدلال الشاذليه على السّمــــــــر
الي سنا موقده للحين مابطــــــــــــــل
ولا تنزلها قبل ساعه محلولــــــــــــــــــه
حتى تشاهد طفح ماها وظهرهــــــــا

ياخي في قصيدة كتبتها اول ماشاركت مع ارخميدس ارخميدس سبني بكلام لايليق ويوم رديت جاء
ابن الجنوب و حذف مشاركتي وجا صقر الجنوب وحذف الموضوع كامل وهو محترم ابن الجنوب لانه يمكن يعرفة فما طرده واذا كات تبغونها ترجع النوايا صافيه السامي طلع من المنتدى ويمكن ماعاد يرجع لكن انا اطالب برباعيه انا وملك الليل ضد ابن الجنوب ودرع الجزيرة (ارخميدس) وسوف اظهر لكم مستواي العالي

الله يهديكم جميعآ ويصلح شانكم يا اخوان الهدف اسمى واكبر من كذا

عمومآ الاخ درع الجزيره من كلامه انه ما خذ موقف مني رغم عدم معرفتي به وعد محاورتي له ابدآ

ولكن ارجوا منه ان يأخذ الامور بطبيعتها وانا ادعوه لمحاورتي اذا كان يرغب ذلك

ونحن اخوان والله يجمعنا في خير وعلى خير....