قسوة رجل وانكسار انثى

اليوم لك ثاني مع راحة البال
وانا بعد همي له اليوم ثاني..

اليوم تاركني اناظر بالاطلال
صورة,, رساله ,,حلم ,,جرح واماني !

ليلي قضيته بين همٍ وغربال
واقول في نفسي حبيبي نساني!!

غنيت انا عقبك من الضيق موال
يومك تسمع للطرب والاغاني!!..

لي دمعةٍ من فوق الاوجان تختال
يومك تلاعب مترفات المباني..

وبي عبرة منها المخاليق تهتال
ياعبرتي لاتفضحيني عشاني! :

ياعبرتي خلي لك الصدر منزال
لاهوب بك داري ولاهوب عاني!!

مشغول له في ترفة حالها حال
:ماهوب فاضي لعبرتي او جناني!!

في يوم واحد نسته كل الامال!!
وش عاد لو يدري بشوق غشاني؟؟

ماهوب مثل اول هذاك الغلا زال!!
عزاه كيف الود زال بثواني؟؟؟؟؟؟

اربع سنينٍ طوال ياكيف تنزال؟؟
وتحط في قلبك فلانه مكاني؟؟!!..

ماكنت اظنك تجحد الود لا طال!
اثرك على طريف وتبيني اعاني!

قد قالوا ان البعد والصد قتال
وانا اشهد انه علة بالمحاني!!

يومي اشوفك لابس بشت وعقال!!!!
والشارب الاسود وزول سباني..

وعروستك من الحيا ترخي الشال:
( وترسل لها بسمه تزيد امتحاني

دمعي بلا علمي على وجنتي سال!!!!
اشتقت لك ليتك تحس بحناني..

ليتك تشوف الحال يامتلف الحال!!
بس التفت لي شوف شالله بلاني..

نصيتها تضحك لها لاهيٍ سال،،
واقول ياليته حبيبي نصاني!! :

(الله يادنيا التعاسه والاهوال،،
الله يستر وش يخبي زماني..

غلطانه اللي تعشق اليوم رجال:

(مهما حلف بالود يبقى اناني..

وقلب الرجل مابه من الحب مثقال!!
والبنت ترفه قلبها مايداني :

حاولت اعبر والقلم في يدي مال،،
من هول مابي انعقد بي لساني


منقول بكاااااااااء

بسمة امل
اشكرك يالغلا على اختيارك الراقي سلمت يداك

تسلمين بسمه اامل اختيار موفق وذوق راقي العلم الاخضر

يعطيكم العافيه على المرور الف شكر تقبلوو كثير شكري وردة

الله عليك أختي بسمة أمل أختيار رائع
وخليك دائماً شامخة وقوية لا تنكسرين لأحد أبداً
وإياك والبكاء على من لايستحق ذلك
ومن لايعتبرك مكسب لاتعتبريه رأس مال
تحياتي لك بنت عمي.....تحيــــــــــــــــة

الله الله
اختيار ينم عن ذوق رفيع المستوى دمتي بود

انتقاء مميز لا خلا ولاعدم
تقبلي مروري

اخ امير يعطيك العافيه على المرور وتعليقك اللي فيه مواساة تدل على طيبه قلبك والقصيده مجرد انها عجبتني وحبيت انقلها للتذوق واي انثى في الدنيا لما تحب وينساها حبيبها راح تكون حزينه مهما كابرت خاصة اذا كان هوه سبب انها حبتها الله يبعد عننا الاحزان وعن جميع الناس وتقبل شكري الجزيل

الاخ احمد معيض يعطيك العافيه على التعليق والاطراء بعض من ذوقك وشكرا لك

الاخ عاشق القصيد الف شكر على مرورك يعطيك العافيه


وردة

مشاعر
تبعث في القلوب
ضياها
وترسم البسمه
على شفاهاا
وتعطي الحياه
الوانها
وبهاااها