عبد الواحد والبيضاني

الـــبـــدع : الـبـيـضــانــي

حي الله من عادته ينقـم المـذّي نقـوم
والجوده ماتنقطع والمحبه فـي القلـوب
خل ديرة ماتصـون المذاهـب والعوايـد
جعلهـا بالزلزلـه جعلـهـا بالزلـزلـه
.
الــــــرد : عـبــدالــواحــد

ابيقـوم الحـظ واحنـا بحـول الله نـقـوم
والليالي تخلـف الظـن والدنيـا قلـوب
واهل راس المال يوم طمعوني في العوايد
غروني من سـورة القارعـه والزلزلـه
.
الــبــدع : بــــن حــوقــان

الرجال رجال والنـاس عـادات وسلـوم
وانا ماني غصنا اخضر تميلـه الهبـوب
موقف الرجال ماهوب (ب)في كثر القصايد
كلمتـه للنـاس ترفـع وترخـي منزلـه
.
الــــــرد : عـبــدالــواحــد

الثرى ماله نفق والسمـاء مالـه سلـوم
والمشرق ماهو بقصرا مشيد وله بـوب
وانا مثل اللي يلف العقارب في قصى يـد
والا مثل اللي يرد الحنـش فـي منزلـه
.
الـــبـــدع : الـبـيـضــانــي

كلما هب الصبـا هبـت ريـاح السمـوم
ماعد بآشرق علومي واغربهـا غـروب
والناتج مالضرب والقسمة واحد ضد واحد
مايدرون العمي وش يضحكون البكم لـه
.
الــــــرد : عـبــدالــواحــد

يابو ماجد لاتصب العسل فـوق السمـوم
الذي في قاعة البيـر تنزعـه الغـروب
وانتم عام الاول حلفتم لتثنـون الجواحـد
وانتم افطرتـم وصمنـا نهـارا باكملـه
.
الــبــدع : بــــن حــوقــان

القاضي مايحكـم الا بمحضـار الخصـوم
لكن المتهوم مظلـوم والقاضـي كـذوب
والعلوم الواضحة خير من ناقص وزايـد
والضحايا فـي بطـون اللحـود القافلـة
.
الــــــرد : عـبــدوالواحــد

الرواتـب قابلـه للزيـادة والخـصـوم
والذي ترجي له الخير يلقـى منـك ذوب
ابشروا بالخير مـاودي آسـاوم وازايـد
ان طلبتونـا جمـل وان طلبتـوا قافلـه
.
الـــبـــدع : الـبـيـضــانــي

الروادي تشتغل عند راسـي كـل يـوم
اسمع اللي من عدن والذي من صدر قوب
ودي اني زرت لبنان يوم الطقـس بـارد
لكـن التيـار ضـد الحظـوظ المايـلـة
.
الــــــرد : عـبــدالــواحــد

كلمـا عشنـا سمعنـا هـروج وكليـوم
نرتقب للناس والناس في منصدر رقـوب
الظامي في حشمته قلت فوق العـد بـآدر
يوم شفته يعصر الطين جبت المـاي لـه
.
الــبــدع : بــــن حــوقــان

الكلام الشين ماهو بقاضـي لـي لـزوم
الشروه لها سنع والحقـوق لهـا دروب
واللي مايعلم بغيـب النوايـا والمقاصـد
وش يحده يلتقف حاجة(ن) ماهيـب لـه
.
الــــــرد : عـبــدالــواحــد

لارحـم صـدام كانـت علاقاتـه لـزوم
اشعل الفتنه ولا هو علـى الفتنـه دروب
الـذي ماقبـل الشـور ويـرد المقاصـد
الله يـا مآضـل عقـلـه ويامآهيبـلـه