آهز جذع النخل يتساقط عمر

يسعد مسا جرح الزمن ! يسعد صباحك يالطعـون=الله يرضى لى علـى الضيقـات وسهـوم الغـدر
والله يحسن لى عـزا موتـة منامـك يالجفـون=والله يحيـي طلـة الأحـزان ودروب السـهـر
والله يساعدنى علـى حسبـة دموعـك يالعيـون=دمعة حزن ! دمعة أسى ! دمعة ألم ! دمعة قهـر
وش فايدة بستان عمرى لا فقد خضـر الغصـون=من أصعب أوقات الشجر ! لا طاحت أوراق الشجر
جذع النخل يتعب حديثه لو حديثـه ذو شجـون=قالـو اذا هزيـت جـذع النخـل يتساقـط تمـر
لكن جذع النخل عندى مـن كثـر ماهـو يمـون=أجلس واذا هزيت جـذع النخـل يتساقـط عمـر
أحيانا المسجون يعشق شكل قضبـان السجـون=ياليتنـا مـن سالفتهـم ناخـذ دروس وعـبـر
ماهـو خـداع الا الزمـن دوار والدنيـا فتـون=أعمارنـا فتنـة حيـاه وبعدهـا فتـنـة قـبـر
ياجرح دام السيطره دانت لـك فـخلـك حنـون=تراك غالى طالما انك جيـت مـن أغلـى بشـر
معى بقايا من عقل واقـف علـى حـد الجنـون=ودمعة ن فى محجر عيونـى وفـى قلبـى جمـر
ياجرح واسمح لى ترى غيرت رائيـي لا تهـون=أحاول أصبر بس بغيت الصدق ! مافينـى صبـر
الله لا يسعد مسـا جرحـك ولا صبـح الطعـون=والله لا يرضى على الضيقـات وسهـوم الغـدر