علمني أنساك...

أخر خربشات اللبيدي مهداه إلى كل العشاق إن شاء الله مايكون فيها أي عوجة على قول السودانيين

وشلون بنساك يالمحبوب وشلون= لاجيت أحاول تذكرني هداياك
أفتّح عيون ولا أغمض عيون= في كل الأحوال أنا تايه بذكراك
علمتني الحب حتى صرت مفتون=ولا سكن مالبشر في قلبي سواك
وأعطيتني الهجر حتى أصبحت مجنون= ولا أبي مالحياة إلا ملاقاك
حبك فضحني وكل الناس يدرون=ولا يهموني أنا همي رضاك
إن كنت باقي رقيق وقلبك حنون= أخر طلب حققه وأخر عطاياك
أمّا تجيني قبل ما اموت مغبون= جيّه تقل جيتي هذي من غلاك
ولا ترد الطلب وتخيّب ضنون=واعيش مقهور لا أنسى ولا اسلاك