معي تعبه في خاطري وهنا لامجال للتعبير إلآ بالقصايد وأعذروني على القصور...

المشاركة الأصلية كتبت بواسطة إبن الجنوب

البدع:إبن الجنوب=
*=
ضلّ عقل اللي بغى يأخذ من الكثّان ماروي=
إسمه الكثّان يافرق الشبه بين القسا واللّينا=
ماتضهر منه الحيود الخضر حتى ينبنى بها=
والصفا الحنّان ماقدّوه بالفاروع والقدّومه=
لو يجيبون الدركتل ينكسر مادمدمه لو لاك=
تنكب البرّق منه ماهوب كوم أتراب وتهيّالي=
لو تهبّ الريح طارت به ولا هلآ تخيّله=
*=
الرد:إبن الجنوب=
*=
اللي مايشرب بكفّه من قراح العدّ ماروي=
وإللي يتباها وسوّينا وسوّينا وقد ولّينا=
يحسب إنّي راقدن في خاطره ماينب نابها=
لو تخنطلتوه طاح وجاه منّي كسر فوق الدّومه=
لكن أدرى شيمتي وأدراك يالوجه السّمح لولاك=
والله ربّ البيت لو حدّه عليّه الوقت وأتهيّا لي=
إنّي لا أعلّمه الافضل واقعه وإلآ تخيّله=

الله عليك يابن الجنوب ........... قصيده تحمل الكثير .. واللي مايشرب بطفه من قراح العد ماروي .. بيض الله وجهك على هذا الابداع ولك التقدير والاحترام من اخوك البرق اللامع