المتألقين : عبد الواحد والشيخي

البدع من عبد الواحد

ابو متعب يقل ما ضل عقلي وقلبي ما بلد

كل روح تعز وكل عين لها كامل حقوقه

اقلط في مجلس الضيفان واقدع بتمر وكل لباب

من نشد عني انشد عنه وادوره وبغي رقامه

وان دعاني عزمت اجيه من غير كذب ولا ابقسر

هذولا ربعي اللي ما اقدر اصيف واتركهم واجانب

لا توخرت عنهم كن ساقي يثنيه العقال

واهل الذل يارجل الشجيع اتركيهم واجنبي

كل يومن وانا معزوم في حفل ومشرف وضايف

غير ما ادري بحضي ربي اشقاه والا سعوده

والرد من ابراهيم الشيخي

يابلد لامتى وابن البلد فيك ضايع يا بلد

لامتى والغريب يجيك يحصل على كامل حقوقه

وانا ضدي قوانين تقفل بوجهي كل باب

ربما السر يوم ان السعودي يعيش بغير اقامه

ربما السر ف ايدي راعي السر اذا قال ابق سر

يمكن ان الاجانب هل وطن والسعوديين اجانب

يمكن ان الدراهم ما تحب العمامه والعقال

كيف يهنى السعودي بالوضيفه وريسه اجنبي

عدلوا في نظام السعوده وافتحوا باب الوضايف

سعوده في يدين الاجنبي ما تسمى سعوده