الشعر والجن وكل مايخصه تجده هنا

شف وانا اخوك

من ناحية استحضار الجن وغيره من هالكلام ما اعتقد انه صحيح ابد

الا اذا كان في منطقة عن منطقة

لكن

الشاعر وخاصة شعراء القلطة اكثرهم يقوّل على لسانة وهذا شي طبيعي جدا ولا يعتبر مس او غيره مجرد تلقين غير ملموس من قبل الناس والشاعر نفسه

فلو تلاحظ غالبية الشعراء يحبون العزلة لفترات معينة ويميلون احيانا للظلام اكثر من الجلوس في نور جهوري وهذي انا ملاحظها على شعراء كثير

وتلقى بعض الشعراء قبل بدايته في كتابة ( بعض ) قصائدة تجيه نفضه او رعشه في جسمه

واحيانا يدرج في قصيدته اسماء لو تسألهم منهم هذولي مايعرفهم سواء كان اسم بنت او رجال

واللي يخليني اشك فعلا بصحة هالكلام ليه الشاعر تجيه فترات احيانا توصل لمدة سنة او اكثر مايقدر يكتب بيت واحد ؟!! واحيانا تسترسل القصيدة معه في ربع ساعة !!

ولاتقولون لي تعتمد على نفسية الشخص ,, لانها ماتمثل 30% منها


لكن في النهاية ما اقدر اجزم بصحة هالشي

لكن هذا اللي ملاحظه بحكم قربي من الشعراء واعيد واكرر هم ناس عاديين ولا تلاحظ فيهم اي تصرفات لا ارادية تنم عن مس او غيره حمانا الله وياكم,

يعطيك العافية