محاورة درع الجزيره والحطيئه .. للنقد والتوجيه ... لاتبخلون علينا ..

محاورة درع الجزيره والحطيئه كانت في منتدى الشعراء الموهوبين والجدد فقلنا ننقلها تطلعون عليها الدنيا شحاحه هنيك .. ولا تبخلون علينا بالنقد والتوجيه ..




البدع /درع الجزيــــــــــــــــــــــــــــــــره

كل عاقل ماجهل في خبوت ومقطعـــــــه
يعرف ان الزورق اييل من غير اشرعــه
من يدور شر يسلك طريق الهاونيـــــــن
دام يصحابي في القصر بيبان(ن) وسلـم
فالقصايد شي نحبه وشي نهوا لهــــــــا




الرد/الحطيئـــــــــــــــــــــــــــــــــــــــــه


البحر يادرع في ظهر زورق مقطعـــــــه
لو يميل زورقي في البحر كيف اشرعـــه
كم قلوبن وسمت م الفتن ولها ونيــــــن
حظ منهوا يبتعد ع الفتن وسلم وسلّــــم
مايدور للمشاكل وشين اهوالهـــــــــــــا


البدع/درع الجزيــــــــــــــــــــــــــــــــــره

والله لو فالمخطيه والتعدي منفعـــــــــــه
اني اخطي واتعدى غصيبه واذرعـــــــــه
وانا همي نسف الاهداف قبل الناسفيــــن
لابغيت اضرب ضربة الهدف ضربة معلم
ماتبهلل مثل ناسن كثر بهلالهـــــــــــــــا


الرد/الحطيئــــــــــــــــــــــــــــــــــــــــــه

يمكن ان الذيب تقتله لدغه من فعــــــــه
والبطل يُقتل من الي قصيرات اذرعـــــه
وينكم يادرع عن تالحكم والناس فيــــن
وانا ضربي في جنوب العدى باقي معلم
وكثر ايام السنه تنعرف بهلالهــــــــــــا


البدع/درع الجزيــــــــــــــــــــــــــــــــره

يالله ان تحفظ مواصيلنا والمجمعــــــــه
ون تكافينا سيوف الكبر والمفرعــــــــه
دام نعرف راعي الجور لازم نمنعــــــــه
زاد جوره يوم نعطيه ود(ن) يسمعــــــه
السعه لابارك الله فالضيق السعــــــــــه
بنصحه يمكن يغير سلوبه وطبعــــــــه
دامني وياك ضمن الجموع السالميــــن
لاتصدق هرجة الحاسدين اللايميــــــــن
الدعاوي لو حصل جورها ولا تظَلــــــم
ردها للقاضي الي يبت بحالهــــــــــــــا



الرد/الحطيئــــــــــــــــــــــــــــــــــــــــه


مابعد المشوار مالباحه لين المجمعـــــه
نبدع الحكمه وناخذ من العلم افرعــــــه
هرجة الصادق نعيها وراعي النم نعـــه
ماالتبع راعي الدناسات والدنيس معــه
هيضنا يشبه لدقل السيول المنسعــــــه
اقدر اولف كتاب(ن) بساعه واطبعـــــه
والخطل ننشد عنه مين ولا اسال ميــن
اليسار امدَها للخطل والا يميـــــــــــــن
حث سيرك والخطأ قبل م الدنا تظَلـــــم
نبغى دار الجود تالدار مانب حالهـــــــا



البدع /درع الجزيــــــــــــــــــــــــــــــــــــره

كان رستم عند كسرى يزيف واقنعـــــــــــه
بااحتلال ارض العرب مالقي المرمعـــــــــه
ارتكب فيها جرايم وحرب امروعــــــــــــــه
قام يقتل فالخلايق ووجه مدفعــــــــــــــــــه
كل من قابله فالحرب يلقى مصرعــــــــــــه
كان عنده هم فالقلب لكن ودَعــــــــــــــــــه
في زمان الجهل كان الحكم للجايريــــــــــن
بعد سيف ابن الوليد اش بقي ضمن السنين
غير ديره زرعها ضاع حبه مايلملـــــــــــم
من نزلها قال ماعاد غير اطلالهــــــــــــــــا



الرد/الحطيئــــــــــــــــــــــــــــــــــــــــــــ ــه


الذي يلبس وجوهن تزيف واقنعـــــــــــــــه
لو سقيته شهد فنصحك حط المر معـــــــــه
مدري وجهه زين ولا حياه امروعــــــــــــه
انا شفته لو زهم جو الخلايق مدفعـــــــــــه
وان لفوه يصك باب(ن) وثيق(ن) مصرعه
اتركه يادرع وارفع يدينك وادعــــــــــــــــه
ادع ربي انه يجيرك مجير الجايريـــــــــــن
الشرف لو ينكسر ماتجبره السنيـــــــــــــن
لو يحرم من الجحفه يادرع فاحرم من يلملم
وانتظرلاهل الوفاء لين يبدي اطلالهــــــــــا





من كثرة القصايد ماهلا اربعن..

المشكله ان القارعه رسمت خطأ 6 بيوت كانت القافيه (عه) فتورطنا ...