عاجــل جـــدا إلـــى مــــــــن يهمّـــــــــــــه الامـــــــــــــــــــــــر...

المشاركة الأصلية كتبت بواسطة صقر الجنوب

بيض الله وجهك يابن الجنوب وحمد لله على السلامة
الحال من بعضه فانا امس خرجت من البيت الساعة 8 صباحا ورحت المكتب بالبلد ومن ثم رحت لشارع التحلية وخلصت اشغالي هناك واتجهت على شارع الاندلس في عز المطر جلست ثلاث ساعات على شان اوصل دوار طارق بن زياد ( البواخر ) طبعا السيارات واقفة تماما هناك وحتى هذه اللحظة واقفل شارع الاندلس تماما في تلك المنطقة .. عكست الخط واتجهت نحو شارع ولي العهد الا والمياه باقي عليها شويه وتغطي السيارة دورت ورجعت في اتجاه الشاطي قلت يمكن ارحم ..
واتجهت لجهة مستشفى الاطباء المتحدون لغرض هام ومن ثم قلت اروح البيت كانت الساعة 4 عصرا بالضبط قلت خليني اتجه لشارع امانة جدة الله يقلعها من امانة هي وامينها .. المهم وصلت هناك الا والسيارات متوقفة تماما وسط شارع الامانة جلست يمكن نص ساعة والسيارات كلها واقفة نزلت من السيارة بعدما وقف المطر تقريبا الساعة اربعة ونص نزلت من السيارة واتجهت شرق اشوف وش موقف السيارات وجدت ان الماء في الامام يغطي السيارة تماما ..
وجدت في المنتصف فتحة يادوب تدخل منها السيارة زحزحنا وبعض الشباب الحاجز وشلنا البلوكات من جانب واحد قدها ملشلشة وطلبنا من السيارات الصغيرة العبور والعودة للكورنيش مرة ثانية وبالفعل نجحنا في اقناعهم واخوك مقرع ومتحفش خلها على الله المهم سيارة ورى سيارة الين انفكت الزحمة خرجت كل السيارات من امام الامانة ولفيت انا من الشارع وعكست الشارع الفاضي ووصلت دوار سلاح الحدود المهم للفلفنا ورحنا وجينا وما خلينا مكان مانعرف وين نروح الساعة بالضبط 8 مساءا قلت توكلت على الله ياحياة ياموت اتجهت من الكورنيش لجهة سلاح الحدود مرة ثانية عند الامانة لكن طلعت الكبري اللي جنب الامانة يؤدي على البنقلة والبلد .. وبالفعل نجحت الين وصلت البلد امام النقل الجماعي وجدت نفس المشكلة السيارات متعطله يمين وشمال قلت والله ما اوقف الين تنطفي السيارة وبالفعل رحت من امام النقل الجماعي في اتجاه كبري الستين والمويه الله لايوريك ويالله يا الله لاتوقف السيارة المهم لما وصلت عند الدوار امام برج أبار وزيني اتجهت من جنب كبري الستين يمين جهة الميناء وبالفعل بعد 50 متر وجدت الموية قليلة جدا ووصلت عند الدوار وكنت شايل همه ماوجدت مويه وطلعت الكبري وتنفست الصعداء قلت الحمد لله ...
ومن فوق الكبري حتى وصلت زهرة الوزيرية وكانها ليست من جدة مافيها ولا قطرة موية طبعا كانت الساعة التاسعة مساء الاربعاء المشئوم ..
يوم لن انساه ماحييت

يشهد الله لو حطوا سباك كان عرف شغله احسن من امين جدة ووزير المياه والمدير التنفيذي لشركة المياه الوطنية .. ثلاثتهم ماعندهم سالفة

ووجهك أبيض يابو أحمد وشكرا لك على مرورك ووصفك لمعاناتك ونسأل الله التخفيف... وصدقني حتى لو عينوا سباك اعطه 6 اشهر ولا حد يقدر يوصله...