حتى لو كان أنا مديت كفي وراسي خانها

*=
البدع: البرق اللامع=
*=
سج يافكري المحتار مابين يوم وليل فات=
ومن بيبني لمجده لازم انه عرف بالعامل اول=
والعنب في غصونه حامض الطعم والا مر تين=
والقصر بعد ماقر البناء بان شغله والحكومه=
ومن يشوفه عرف بنيه وساسه رسم بنظاميه=
كون بعده فنا يبقى على مابدا ملكه لواحد=
وش يفيد الفتى من بعد ماضاع ماله والحلال=
وانت لو بحت لي بالسر فانا اعتبرته مات سرك=
ومن يجي بين عودا شامخا في سمانا واللحا=
ماحسبنا حساب اللي بيبدي لنا زمره بغيضه=
عاش في عالمه بين القوانين والسد اختفى=
اشتكينا تعبنا لكن الحل لو نلغى الشكاوي=
والقدم في طريقي سجت اليوم واطى واعتني=
لو تكون الضمائر شي ملموس للعالم مشاهد=
كان تعجز ملوك الارض في دفنها بترابها=
ندري السيل يروي كل عودا بعد غيب ضميره=
من بحورا مطرها فاح منها ورى سيخانها=
*=
الرد: البرق اللامع=
*=
قف تمهل تعبنا من كلام الصحف والليلفات=
ومشبه اليوم بالبارح وهذي السنه بالعام الاول=
ومن بيلدغ من الجحر أنتبه مابيلدغ مرتين=
يابشر خافوا الله في المواطن وفي مال الحكومه=
كيف تصرف بنوده يوم جتها قلوبا ظاميه=
أنحن اللي تبلد حسنا واندفن بين اللواحد=
وانحن اللي لقينا المره أحلى من الشهد الحلال=
أعتمدنا على كلمة تيسر ولو هي ماتسرك=
واللي يسقط من الشارب لزوما تلقفه اللحا=
ضاعت أيامنا وانحن نداري على زمره بغيضه=
وتاهت أفكارنا بين التقارير والسد أختفى=
جف حبر التوجد والندم وأدري ان الغش كاوي=
وياقلم مابتسمع مانقوله ولا طاوعتني=
والله ان القلوب أدمت دماها مع روع المشاهد=
ومن يحكم ضميره تشهد العين لو بترابها=
طبقوا الشرع باحكامه على كل من غيب ضميره=
حتى لو كان أنا مديت كفي وراسي خانها=