 |
 |
 |
|
|
|
|
18/05/2011, 04:05 AM
|
#11 | ||
|
شاعر مبدع عضو مجلس الادارة و عضو شرف منتديات رباع
|
[table1="width:95%;background-color:black;border:3px solid teal;"]
| [/table1]وها نحن نعود لكم : وش رحتم ياصدقانيه واشلّتي عنكم وجع الله بي عنّيه لاتمكمكت أتهرّج الله يرحم جدّتيه ماكانت تقدر تجلّس من وجع الرّكُب تقول : يايبه يامحمد ذبحتنيه التراميز تقصد ( الروماتيز ) ههههه ، أذكر مرّه ودّيتها الصوحيّه ( المستشفى ) وطبعا" كالعاده يوميّا" أودّيها تعرفون الكبير إذا كِبر وجلّسَت عند الطبيب وكان باكستاني مايدري وش تقول المهم قلت لها علّميه وش يتعبك ؟ والكهله ماصدّقت خبر وأنفلتت تهرّج قالت للطبيب : والله يايبه ماني بخير معي وجعن ينوض عليّه جوف راسيه ويندر من تحت ذانيّه ومن جوف أكتافيه ويضمّ جوف جنوبيه ويشعّ عليّه من جوف أفخاذيه ويقطّب جوف سيقانيه ويندر جوف الأكعاب ولايقرّه الا روس صابعيه والا آني متحبحبه ومقدر أتزحزح من محلّيه، قال الطبيب : سلامات ماما إن ساء الله مافي مشكل ، قالت الكهله : وووه يايبه تخرّجوا عيونك لاعد مافيه مشكله ههههه وألتفَتت لي وآنا فاطس ضحك ، قالت : أضحك إنته تجيبني عند ذا الأشدق وباقي تضحك ، المهم قلت أنا للطبيب : ترى الكهله عندها سكّر ولاتواخذها قال الطبيب : لا مافي مشكل سكّر اليوم مرّه كويّس إن ساء الله كلووو روووح ، قالت الكهله : والله ماصدقت إنّ فيّه مايملي قطمه هههههههههه طبعا" هذه مجرّد مقدّمه وش فضايح باقي تسمعونها .. المهم نرجع لموضوعنا ( ياليل مطولك) ههههه أذكر زمان أيام الطفوله الحلوه كنّا نصنع سيّارات من سطولة الزيت وكراتين البسكوت نفتح أربع فتحات في السطل ونوصّل كل فتحتين بعود وناخذ النعال ( وإنتم بالكرامه) ونحمّي حققة القوطه بالقبس ونركّزها على سطح النعل ونصنع من ذلك كفر السياره بشكل دائري ونضعها مع نهاية العود فيصبح عودين وأربع كفر ومقدّمة السطل نربطها بحبل أو خيط وفي نهاية الحبل ليّ دائري الشكل بمثابة الطاره ( الدركسون) يعني صناعة المانيّه ههههه وكانت قراطيس بسكوت المدّاح بمثابة الفلوس يعني لو تلفّ الديره ماحصّلت لك كيس مداح طايح ( ماشاء الله عمّال نظافه ) ههههه ، في مرّه من المرّات تعرفون زمان ننام مع المغرب ونصحى مع الدجاج هكره ، هكره : معناها غُبْشه يعني قبل الفجر المهم في واحد أهبل من قبل ماتطلع الشمس وهو يدقّق بواري من تحت البيت من الساحه ومزعج أمّنا ( بيب بيب طيط طاط ) يبغاني أنزل العب معاه والديره كنّا مقسّمينها مدن ( الرياض ، جده ، مكه ... الخ) المهم تطلع له جدتي قالت : وشمعك غزلت والا إيش قال: أنشدي محمد مايسافر معي جده ههههه قالت : يووووه يايبه سافروا بك ولا عوّدوا ههههه إنقلع تقلّعوا ضروسك محمد راقدن ، والله والله ماأدعي عليك الا القحم أخلّيه يدهوجك دهوجه ههههه وشرد الضعيف بغى يتكسّر ..... أيام جميله لاتُنسى هذا ماسمح به الفكر والذاكره وأعدكم بالرجوع ولو إنّي غاسل إيدي يالبعض مافهم حاجه ولكن ( صقر الجنوب ، عين الجمل ، أحلى الديار ، الرميصاء) إعملوا معروف وترجموا لاهنتم بالذات لـ لؤلؤه زهران ههههه ..تحياتي للجميع |
|
 
•
%%% (( هدّيتي للشيخ حمود ورباع الصعب بمناسبة تكريم أبو عادل )) %%%
• %%% (( قـديمــك نـديمــك لــو الجديــد أغنــاك )) %%% • %%% (( صقــــــــــر الجنـــــــــــوب )) %%% 
|
| مواقع النشر (المفضلة) |
| الذين يشاهدون محتوى الموضوع الآن : 1 ( الأعضاء 0 والزوار 1) | |
(مشاهدة الكل)
عدد الذين شاهدوا هذا الموضوع : 63 :
|
|
| , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , |
|
|
الإعلانات النصية ( أصدقاء الأكاديمية ) |
|||||
 |
 |
 |
 |
 |
العرض الشجري