..!! مــــشــــعـــــوذ !!..

البدع: شدا الشامي=
*
قال بن قثرود من شغل الدركتل ينبني حُرير=
العلوم اللي بعد ماتمّت أبنلقى لها تمتامه=
ودّنا نعدي وشعّار المعاني بالقفا عدو=
الجلَب فيه الجرَب والحَبّ جاء له كايلٌ ومسعّر=
سوق أبو مرزوق فيه العيب لايبدي ولا أدروقان=
والشاعر مرّات مايقدر يسمّعنا ولايلقانا=
والذي بعناه .. بعناه أنتهى من غير وش بعناه=
رُدّ وجهك للسّراج اللي توهّج يابه لاشي نوره=
وأحذر التحويله اللي توصل البطناج فالعُبّاد=
مامعك يابو الشباب إلا متاهه من تعب ونكايد=
حتى في مصر أنتهى الموّال للرّقصات والتنقيط=
والمثلّث للمذكّر والمؤنّث خامته برمودا=
المهمّ إلى أعتذر ذلّال ومعوّل ولاش نُب=
القلم مابين سبّابة يد الكتّاب وأبهامنها=
والذي قد فات مات وعدّه الله مرّ وأنتهى=
وشدا ماخذ بجامة مغربي وشْمغ صعايدي=
**
الرد: شدا الشامي=
*
غابت نوره الغامدي واليوم جاء هندي بني حُرير=
المشعوذ صاحب التوراه والأنجيل والتّمْتامه=
الذي قدّام وجهي مثل أخوي وبالقفا عدو=
مرّه كبتن معتزل وامرار حاقد مختزل ومسعّر=
شنفري غولي نديمي لكن الصّوره ولد روقان=
إن طلعنا للسّراه ندوّره يشرد ولايلقانا=
وإن ندر ويلا تهامه بالدّسم نلقاه وأشبعناه=
مدري آسمّيك نوره الغامدي وإلا بلاشي نوره=
خلّني آسمّيك راهب صومعه من جُمْلة العُبّاد=
نعرف نضحك مثلما تضحك ونقدر نحتزم ونكايد=
والله يامحلا النّقط فوق الحروف اللي تبي تنقيط=
سالفة طرْش البحر والجنز والكتّات والبرمودا=
ماتليق إلا على السكسوكه اللي مالها شنب=
الحقايق مثل عين الشمس وأجمل وجه وأبهى منها=
والمرونه واضحه في كلّ جُمْله مرّونتها=
وإن دهاك المغص لاتشكي منه وش مغص؟ عايدي=
**