غلا روحي

قصيدة وكانت في ام راكان
اتمنى ان تنال اعجابكم

غلا روحي

كيف اببدع قصيدي وكيف اعطر هواها
....................كيف احـــــاول اجاريها بدون الغــــــــزل
اسهر الليل كله وانتــــــــــظر محتــــواها
....................مير قلبي على تعبــــــــــــــيرها ماوصــل
تكمل وصـــــوفها وكمل الله حـــــــلاها
....................نظرة اعيـــــــونها تحكي وصوف الخجل
شعرها اللي كما شلال غطى قــــــفاها
....................محــــــجر عيــــــونها مثل القمر مكتمل
ناعسة جفن يجرح سهمها من رمـــاها
....................خدها الناعم الميـــسون يحـــــكي وجل
حمر الاوجان يحكي صمتها في شفـاها
....................جيدها في عيون الناس ماقد حصـل
طاهرة قلب عفيفة نفس والله حماها
....................بنت الاجواد مايعرف عليها البخــــل
بنت عزن شــــــريفه عاليا مستواها
....................تنثر اطيابها للــــــــناس وعْلى مهــــل
نجــــــمة نورت بالليل عالي ســــماها
....................واخجـــلت نور بدر الشهر ثم اعــتزل
ربي اللي وهــــبها والله اللي عطـــاها
....................موهبة صدق سبحانه تعـــــالى وجل
والعذر كان شعري ماوفا في حلاها
....................بعض الابيات كانت من طهور الغزل
اجمل الشعر يعجز عن وصوفه كماها
....................ياحظيــــــظ الشعر لاكان فيـها جمــــل
بتســــألوني عليها اقول ابخــــفي هـواها
....................منـــــفرد وسط قلبي مالغـــــــيره محل