ترانيم سفر من المغرب العربي

انا عاشق سفر وهوا الطبيعه وصيحات الجمال
واعشق الطياره واهيم بين الهمايل والسحب
وامنع الفكر لايذكر زمانن مضى واعيش وقتي
سبع ساعات مابين النجوم الثريا والثرى
واعشق الورده الحمرا وقطر الندى غطا ورقها
وابتسم للهبوب اللي هواها ينعنش خاطري
واحترم كل صاحب ذوق وابداع واضرب له تحيه
واحب الشعر وستأذن من الشعر يوقف واسمعه
واعشق الوحده واحب الهدوء والعيون الناعسيه
واجبر الوقت يتكيف معي مثل ماتكيف معه
واتحمل رفيق الدرب وازيد في صبري شويه
وابعد الحزن من قلبه واداريه وامسح مدمعه
واداعب نسمة الصبح العليله على فنجال قهوه
والضبا مالها حادي وانا ماتعرض دربها
بين عذب المزون وخضرت النبت واصوات الكناري
كيف مرتاح بين الخضره والمويه والوجه الحسن
ياحسن ماعاد من العمر والحيل مثل اللي مضاله
كيف تبغاني اقضي بقية حياتي في نكد
انا صلبت ع الديره ولا عاد لي فيها معيشه
اربع اعقود وانا اتجرع الهم واشيل العنا
سامح الله جدي كان يوم ابتعد عن سد مارب
كان ماوقف الا وسط مكناس ولا في سلا
ياحسن خبري انك تعشق الرحله من ديره لديره
وان نويت الزياره لبن عمك هلا يامرحبا
انا بكتب لك العنوان واظن مثلك مايضيع
نفرش الدرب قدامك حريرن وزلن مغري