الله ما اقساك

ما اقساك في صدك وفي طبعك اعناد=ما اقساك حتى في الحكي يوم ينقال
البارحه سهران والقلب وقّاد=والروح من شوقك غدا حلها مال
ابعد بفكري غير لك غصب ينقاد=والقى وانا ناسي بك الفكر جوال
احس في روحي من الهم جلاد=واحس كن القلب من صدري انشال
واحس كن الناس بالكون رقاد=كني وحيد او كن ما عد به اطلال
الثانيه من غيرك احسها اجهاد=واحس لحظات الثواني بها اطول
ياكيف يصفى الوقت واقلوبنا ابعاد=العيش من دونك ترى صعب وامحال
ساد السكون ابدلخلي والهدو ساد=اثر العواصف قبلها يهتدي الحال
وثار شيطان الهوى واعلن اجهاد=قام الجسد والروح والشعر خيال
جيشت حرفي والقلم والغلا اجياد=واجتزت بحر الصمت والبوح به صال
جاتك حروفي بالغلا تنشد انشاد=لاعانقتها نظرة العين تختال
فيها عهود الحب ميثاق واوعاد=روحي حمى روحك وقلبي لك اظلال
دامك سلبت الروح والقلب وشعاد=ما اعد بقي الا باقي انسان رحال