هـــــــنــــــــــــا زهـــــــــــران

لزهران مع التحيه
هذه اهداء من الهمس لكل من ينتمي لزهران مع اعتذاري الشديد ان حدث قصور

سكوت انصات هاكم واسمعوا وش يذكر المذكور=هنا التاريخ بل مجد الأصاله بل هنا زهران
هنا لهل الشهامه والمواقف والبطوله سور=هنا حقبة زمن مرت وفيها دكوا الميدان
نعم زهران صناع البطوله والكرم مشهور=فنت دوله على ايديهم وطاحت هيبة السلطان
تغنوا بالمراجل والمراجل في سماهم نور=لهم يشهد على باشا وتشهد حموة النيران
ومن يطمع ويتوهم عليه الدايرات اتدور=ومن سول له ابليسه يعوّد بالندم حسران
وكم من طامعٍ صدوا وسووا من فناه اقبور=وكم من معتدي عوّد يجر الذل والخسران
وكم طوّع على ايديهم عصاه او كم قتل مغرور=وكم صخره كتب فيها هنا زهران بالدمان
لهم بين الخلايق صيت0 لهم في كل وادي دور=لهم بصمه في العالم لهم في كل علمٍ شان
جبالٍ شامخه لانت ودنت واذعنت من جور=ومن هيبتهم العالي يهد او ينزل الوديان
يصونون الدخيل الي يجيهم شارد او مقهور=ويسعد من يحالفهم ومنهم تسعد الجيران
وساع اصدور بالمحفل ولكن من يجي المحذور=يقيد من يده غصبا ويسحب سحبة الطليان
ومن عقله يسوّل له ويتوهم وهو مخمور=يسلم عندهم طايع ويسلم بيدهم سكران
جذور العز ممتده تمر ابكل عصر امرور=وجد زهران بالدنيا من اول خلقة الأنسان
بهم تاريخهم يفخر ومنهم يفخر الماثور=بهم تفخر مراجلهم وتتباهى بها الاعيان
لهم في اول الدعوه وفي عهدالرسول احظور=على عهد الطفيل الي سرى والنور بالعصيان
سرى باليل من داره وعوّد بالعهد منصور=وبايع عند سيدنا محمد بيعة الشجعان
وناظل كل زهراني لنصرة دينه المنشور=وناظل في ظلال الحق الين الحق بيده بان
وقادوا مركب الدعوه ولا خافوا غبوب ابحور=لهم تشهد اساميهم لهم تشهد بعد لبنان
وجاء عبد العزيز الي على ايده استتب امور=بحكم العقل حالفهم وهم بالعقل له حلفان
وساروا له سناد او عون وساروا للمسير اظهور=الين ارسى قواعدها ورساها على الشطّان
غدا زهران مثل النحت وفي جوف الكرم محفور=وباسه اخمد الفتنه وقيد به ملوك الجان
نعم زهران نعم زهران نعم حنا ملوك اتثور=نعم زهران نعم حنا هزمنا ثورة الشيطان