ديـــــــوان الشاعرالأمير بــــدر بن عبدالمحسن

وش كثر انتي جميله

بتعلم حروفك 00
عن الشعر كله 00
وادخل كفوفك 00
عن البرد كله 00
واشهر سيوفك 00
في وجه الوقت كله 00
( ياالله 00وش كثر انتي جميلة00
وش كثر انا احب00)
واسند جروحي00
مثل جذع نخله00على هاالمدى00
واركض في صوتك00
وتحمل هبوبك رمالي00
سرابك00جبالي00
دروبك خيالي00
وتبقى جروحي00
عطش الف نخله00هجرها الندى00
واتمنى مره وانتي معايا00
اناظر ورايا00واناظر بعد00
وغير ابتسامك00ماالمح احد000
على هاالمدى000

اليأس جدب والأمل غابه

لرمل .. قرطاسةٍ صفرا ..

ما عليها اكتابه ..

كود .. أثار القدم .. يوم أنا أطابه ..

الشمس غضبا ..

والهجير .. عقرب السم ..

وانا تحت جلدي ..اتذرٌى به ..

ذيب .. يا ذيب الخلا ..

لاتشرف بالرجوم ..

لين يشربني الظما ..

لين ياكلني السموم ..

والذي قدٌر .. مواقيت الحتوف ..

مير أنا عظمٍ .. كسته عروق

جلدي المحروق .. مايطيق اثيابه ..

لوعشاك السيف .. ماذخرت انصابه ..

ذيب .. ياذيب الخلا ..

لاتختلني .. من ورى جال الشعيب ..

ماخبرت الذيب .. يفرس اذيابه ..

الشمس غضبا ..

والهجير .. عقرب السم ..

والياس جدب .. والأمل غابه ..

يا حبس النور

يا حابس النور فـ كفوفـــــك

سلم عسى ينجلي همــــــــك

***

أنض الزعل خلنا نشوفـــــك

مد العتب نسبح فـ يمــــــــك

***

صحيح ما ننطح حتوفـــــك

لاشك نوقف نزف دمـــــــك

***

الناس ما همها ظروفـــــــك

كود الذي يحــــزن لغمــــك

***

وان شلت حملك على كتوفك

بتمــــوت ماحدٍ تر

ى يمــــك

مرتني الدنيا

مرتني الدنيا .. بتسأل عن خبر ..

مابه جديد ..

عشاق ليلة تفارقوا ..

وصاروا بعيد ..

لا طاحت نجوم السما ..

ولا تاه في الظلما قمر ..

لا تاقف الدنيا .. وتسأل عن خبر ..

مابه جديد ..

اسهل من الكذبة .. على شف الطفل ..

فرقى الأحبه يا هوى ..

أحلى من الحلم اللي ودي لو كمل ..

كانت ليالينا سوى ..

لا طاحت نجوم السما .. ولا تاه في الظلما قمر ..

لا تاقف الدنيا وتسأل عن خبر ..

مابه جديد ..

لا تاقف الدنيا .. على أول طريق ..

فرقى الأحبه يا هوى ..

لا تسأل جروحي متى خان الرفيق ..

عهد المحبه والهوى

لا طاحت نجوم السما .. ولا تاه في الظلما قمر ..

لا تاقف الدنيا وتسأل عن خبر ..

مابه جديد ..

وين تبدا هالمدينه

وين تبدا هاالمدينه .. كل يوم ..

من رصيفٍ عاريٍٍ تحت النجوم ..

من عناوين الجريده ..

في المواني .. وحمرة عيون المسافر ..

ضحكة الصبح الجديده ..

أخر اوراق التذاكر ..

اوبعد حبر الختوم ..

وين تبدا هاالمدينه .. كل يوم ..

ودي اعرف هاالعواصم ..

وأبي ابدا من يديها ..

ودي انزع من اصابعها الخواتم ..

قبل لاسلم عليها ..

ودي تجمعني بها لحظه حميمه ..

وين تجلس هاالمدينه ..

في العماير .. في الدواير ..

في الدكاكين القديمه ..

اوتحت اهدابك انتي ..

في صدري احساسٍٍ شهي ..

لو يدوم ..

وابي اعرف وين تبدا هاالعيون .. وتنتهي ..

كل يوم ..؟

مدري وش سر العوصم .. والمداين .. والعيون ..

ومدري وش سر الجنون ..

اني اعرف ..

انتظرتك في محطات القدوم ..

وفي مواعيد السفر ..

صك شباك التذاكر ..

وانمحى حبر الختوم ..

وما عرفتك ...

نجمة الفضة

أعرف الشارع اللي..

فـ اوله دارك ...

واعرف ان القمر .. جارك ...

وعطرك ... هو حديث الريح ...

اعرف ان النجوم ... اتطيح ...

على دروب المدينة ...

إلى صرتي حزينة ...

متى يا نجمة الفضة ...

حجبت الليل عن نُورك ...

متى قلت السما مّلت ...

جحٌودك ... نظرة غرورك ...

صحيح إني ... نسيت اليوم ...

نسيت اليوم ... لا أزورك ..

وأنا .. أنا عرف النجوم تطيح ...

على دروب المدينة ...

إلى صرتي حزينة ...