المطاوعه يازلزال الجنوب

حىالله اخونا سليمان شرفت هذه الصفحه بزيارتك الميمونه واحنا ترى نقبل الراي
والراي الاخر ونقبل النقد على اسس هادفه وحجّه بيّنه وتعال نشوف ماكتبت:

.................................................. .................................................. .............................

المشاركة الأصلية كتبت بواسطة سليمان

اخوي ودي الفت انتباهك لبعض النقاط المهم في بعض كلامك السابق الذي قلت :
الا وهو المطاوعه
وانا صراحه ماني رجال دين لكن ما احب احد يغلط على رجال الامه ورجالها الصالحين الذين منهم الله بالهدايه؟

اولا كلمة (مطوع) جمع (مطاوعه) مالها علاقه في الدين هذه كلمه عاديه لاتقدم ولاتوخر
اما كونك تصفهم بأنهم اهل الدين فباقي المسلمين وشتقول عنهم وبيش تسميهم وعلى اي
اساس خصصت ذولا الناس بأنهم اهل الدين ياسليمان الرسول عليه الصلاة والسلام يقول:
(انما الاعمال باالنيات) والنيات ياصاحبي مايعلمها الا الله سبحانه ويقول الرسول عليه السلام:
(ان الله لاينضر الى صوركم ولا الى اجسامكم ولا الى اعمالكم انما ينضر الى قلوبكم)
وانت مادخلت في قلوب هذولا الناس وعرفت نياتهم على شان تقول انهم اهل الدين.

فيا اخي الغالي ما احد منعك عن الحرام او الحلال انت حر لكن لاتجي وتقول مطاوعه
و تغلط في الدين لان اذا كبرت في العمر وانتهت مرحلت الشباب صدقني مصيرنا للدين وكل واحد منا

سوف يفكر في اخرته؟
كيف ياسليمان تقول الى شيبنا مصيرنا للدين يعني احنا الان واحنا شباب منحرفين عن الدين
وننتضر الين نشيب ونرجع للدين ومن يضمن عمره الين يوصل سن المشيب ماتلاحظ ان هذا
الكلام مستمد من افكار من تسميهم اهل الدين؟ ياسليمان احنا مسلمين شباب وشيبان والله
يحيينا على الاسلام ويميتنا على الاسلام

رجاء انكم ما تسبون المطاوعة وتنسبون لهم التطرف
يا اللي تسبهم ترا بكرا بتموت وبتحاسب على كلامك
بلاش تجريح بأي شخص وانت مو جرحتهم وبس انت اغتبتهم
عمر بن الخطاب رضي الله عنه يقول لو كنت مغتاباً لأحد لأغتبت ابي وامي ليأخذوا من حسناتي فأن فنيت أخذت من سيئاتهم فأكب على النار فيدخلون الجنة الله اكبر وعثمان بن عفان كان يكرة الغيبة ويغضب لله اشد الغضب عثمان الذي كانت تستحي منه الملائكة؟

انا ماتكلمت عن شخص بعينه على شان تقول اني اغتبته انا تكلمت عن ضاهره
من الضواهر وحاله موجوده في مجتمعنا يعني حاله معيّنه ينبذها الاسلام وتنكرها
قواعد ديننا الحنيف وانكرها عمر و عثمان رضي الله عنهم وهي حالة الغلوّ في الدين.
واللي ينصّب نفسه مفتي ويحلل ويحرم بدون علم ولا درايه كافيه بقواعد الدين لحنيف.

وتقبل نقدي وكلامي واسف اذا جرحت احدكم لكن الحقيقة اصعب من ان تغطى بغربال
اخوكم سليمان

احسن ماكتبت هذه الجمله ياسليمان( الحقيقة اصعب من ان تغطى بغربال) وياليت
اللي تسميهم اهل الدين(المطاوعه) يعرفون معنى هذا المثل.
وبعدين ياشيخ سليمان انا اعرف ناس كثيرين منهم من يقرب لي ملتزمين ومربين
لحاهم لكن بشكل معقول وعلى اسس دينيه واضحه ولافيهم الغلو والتشدد اللي
نلاحضه من بعض المطاوعه اللي فاهمين الدين غلط وياكثرهم؟؟؟؟
اخيرا رجو ان تقبل ردي هذا بصدر رحب واختلاف الراي لايفسد للود قضيه
ونبقى كلنا مسلمين نشهد ان لااله الا الله وان محمد رسول الله