هـــذي أســـس فــــن الـتـعـامـل قــبــل فــــن الاحــتــرام
مـــن عـنــدي ارفــــع هـامـتــك مــاهــوب لازم تـعـتــذر
الا تـــــعــــــداك الـــــمــــــلام الا تـــــعــــــداك الــــــمــــــلام
مـاهــوب ذنـبــك تـرفــع الـعـالـم وهــــي تــنــزل حــــدر
ولا هـوب ذنـبـك لا خطـمـت الخـيـل وانـفـك الخـطـام
الــنــاس لا شــافــو ظــــلام الـلـيــل يـنـســون الــبـــدر
وش لك مـن اللـي يرخصـون النـور لعيـون الظـلام
بعـض الحـكـي لــو جــاك دون المسـتـوى لا تنقـهـر
الـعـاقـل الـلــي يـرتـفـع بـالـهـرج عـــن سـقــط الـكــلام
حــال البـشـر مــا ودي آعـلـمـك عـــن حـــال الـبـشـر
الصاحـب اللـي لـو سبقتـه حـط فـي ظـهـرك سـهـام
لا ولـــعـــت نـــــــار الـجــهــالــه لا تـــزودهــــا شـــــــرر
وجعـلـهـا بالـطـيـب والـحـكـمـه تــجــي بــــرد وســــلام
يا صاحبي ما ضاق صدري لو عبـس وجـه الدهـر
والـــى تـكــدر خـاطــري فـرشــت لــــه ريــــش الـنـعــام
مــن أصـعـب الطـعـنـات لـلانـسـان طـعـنـات الـظـهـر
لــكـــن هـــــذي بـالــضــروره تـعــنــي انــــــه بـــالامـــام
وجدي وجود الشايب اللي شاف سمحان (ا) يهدر
بــاعــه لــنــاسٍ مــــا تــفــرق بــيــن خــفــه والـسـنــام
مـاجـيـت ادور لـــي رشـيـقـة عـــود ونحـيـلـة خـصــر
ولا جيـت فــي رجــوى ابتسـامـه مــا يخبيـهـا اللـثـام
لكـن جيـت أسـمـع شـعـر وأكـتـب شـعـر وأقــرا شـعـر
وراس مــــال الـسـالـفـه عــنــدي قـصــايــد والــســـلام
لـبـيــت دعــــوه مــــن رجـاجـيــلٍ لــهــم عــنــدي قــــدر
والـعــذر لا يـمـكـن يجمـلـنـي مـــن الــنــاس الـعـظــام
مـــا قـلــت لـــك هـــذي تـعــدا كـونـهـا وجـهــة نـظــر؟
عـلـمـتـنــا فــــــن الـتـعــامــل بـــعـــد فـــــــن الإحـــتــــرام
25/03/2010, 01:58 PM
(مشاهدة الكل)
عدد الذين شاهدوا هذا الموضوع : 5 :
العرض الشجري