كِنت أَصعد الِحلم اِرتَمَيت.. فَوق كَومَة يَأس..!

صح لسانك شاعرتنا المبدعة
قصيدة رائعة بكل المعاني
اسمحي لي فقد تطفلت على قصيدتك وقمت بتنسيقها لانها تستحق

أدري لحلمي طَمحت..وأدري انّي مَا لقيت..=مِن يضع يدّه بيدّي .. ثُــمّ يفـرَح لا نَجَحت!!

كلمَا يطرِي عَليّ حِلم تبعــثر اِنـتهَيت..=وأشعُر انّه لا انطعَن غَيري فِـ حلمه انجرَحت..!

بين أصَابع واقعِي خيَط الأَمل يوُم ابتَديت..=مرّت سِنينِي وأشدّه لا مِن بيوم انّمدحت!!

طِفلَه..و أبنِي بِأحلامِي ميَة مليُون بيَت..=كوّنت بلدَة طُمُوح..بِشَوفها ياما اِصطَبحت..!

أَعترِف..لا مَا أبَالغ..لو بَاقُول:اِنّي بَغيَت...=أهدِم أَحلامِي بِلحظَة ضَعف لَو في يَوم طِحت!!

دُون مَاأدَرِي..وقِتمَا كِنت أَصعد الِحلم اِرتَمَيت..=فَوق كَومَة يَأس..قِلت بِدَاخِلي:وش لَه طَمحت؟

لَو دَريت بِسُوء حَظّي..والله انّي لَو دَريت..=كَان عِشت بِدُون حِلم ودُون هَمّ واستَرحت!!

فَوق جَمر وشَوك يَأسِي آه أنَا يَامَا عَدَيت..=و فِي خِضمّ أموُاج حُزنِي كَم وكَم يَامَا سَبَحت؛؛

مِن قِمَمَ حِلم الطُفُولَه..مِن أَعَالِيها هَويت..=مِن وُحُوش الضِّعف كِنت أَركُض وأظنّ اِنّي جَمَحت!

صِحت أَعَاتِب طَيف حِلمِي:لَيه عَن دَربِي مَشيت؟=لَيتني لّما ثَنُوني عَنك ِفي الحَال اِنتَصحت....!

قِلت لَوّ،و قِلت لَيت،و يَمّ حِلمِي مَا اِهتَدِيت..=مَا وَعيت إِلا و أَنا ِفي مَعمَعة حُزني،،و رِحت...

رِحت أَكَفكَف دَمع عَينِي وأَمسَحه لامِن رَقيت...=فوق شرفات التفاؤل..ثم اتمتم:انمسحت؟

ودي انسى اني حزنت..واني بلحظه بكيت..=بس أبذكر وقت سعدي..يوم في لحظه فرحت...!

إيه بالفعل انكسرت..ولجل حلمي كم ضميت..=بس بإذن الله ابترفع ويبقى الهم تحت..؛؛

ياالله انك تعفو عني كاني لذكرك نسيت..=لك دعائي..لك خضوعي..دلني لامن سرحت..،

أشكرك في كل لحظه..لاصحيت..ولاغفيت..=كثر رمل البيد..مع كثر الوجيه اللي لمحت..،

يا إلهي كن عويني..وتب علي لامن قضيت..=اغسل همومي ودمعي كلما في يوم نحت،،

أنت لي ملجأ ومنجأ..أطلب إحسانك وجيت..=أطرق أبوابك ياربي..وأنت للتائب فتحت..!

خشيتك ربي خذتني..ولجلها أنا بكيت..=رب خذ بإيدي..وتمم فرحتي لامن فرحت..!!