قصص من طفولتي ... اتمنى المشاركة من الجميع

الله يسلمك من كل سوء
اختي لؤلؤة زهراان .. الطفولة لها ايامها وبرائتها
وزي ما قلتي مهما اتكلمنا ما نوفيها
يمكن تختلف ايامنا على ايامكم
<<< يعني كبيرة في السن خخخخخخخخخخخخ
المهم ههههههههههههههههه زمان كنا نلعب بالترااااب
سبحان الله كانت ريحته حلوة وتلعبي
بأمان ..
دحين الله يكرمكم جميعا كلها مجااري
يدوب تشيلي عبايتك وتتنقزي من مكان لمكان
وكمان كنا نفرح لما يكون احد الجيران راح يبني بيته ولا يرممه
.. تعرفو ليش
عشان لما يجيب قلاب البطحاء ( يعني التراب او الرمل ) هههههههه لازم نوضح المسطلحات اللي ماهي معروفة
ترى قلاب زمان غير عن قلاب دحين
المهم بعد ما يروح قلاب البطحاء
تلاقينا كلنا اولاد وبنات على التراااب
يا احنا نتسبح بالتراب
ونتسابق مين اللي يقدر يطلع للأعلى ولا نتقابل
قدام بعض ونحفر باليد حتى نمسك يد بعض ونخرج يدنا واحنا ماسكين بعض عشان يعرفو اننا فزنا طبعا نتروش بالتراب
ولما نرجع للبيت تعالي شوفي ايش يصير لنا
ننضرب ضرب
والوالدة تحوس فينا حوسة عشان تطلع التراب من شعرنا
زماااااااااااان له طعم جناااااااان

اسعدني مرورك اختي العزيزة
واحنا في انتظار القصص الطفولية

دمتي بخير