%%% (( مرحبا هيل عد السيل ..... عند أبو طلال )) %%%

المشاركة الأصلية كتبت بواسطة المبدع.

مرحبا ملايين يابو طلال ويعلم الله إن فرحتنا برجوعك لاتوصف

فأهلا" وسهلا" في محلك وبين ربعك .... معي لك كلمتين على
قولك كما عيش الدجر إن ناسبت معك وإلا أغداك الله ماشفتها
ومعرفتي ماجارت والحمى ترزفني رزف تقول أسير فوق عريشٌ

البدع : الزيادي=
**=
مرحبا هيل عد السيل ... شرّفتنا يابو طلال=
كل ليله تدرهم ذودنا لكن الليله محبّه=
ترتعي ماكتبه الله من سهل وإلا من علي=
وأنا يوم أربع الخطوات حصّلت في ربعي وناسي=
لجلها دايم أطرد راعد المبرقه وشغيّبه=
وأحتزم ضدّ من وقّد على الدرب ولعه دونسيّه=
لين يربع جملها ... والجمل لاربع يغلي رباع=
والجهيميّه مرّه تأكل الرّاك بأوراقه وعوده=
وأمرارٌ من حماط الأرض ... وأمرار من سادارها=
**=

الله يبقيك ويغليك ياالمبدع وصح لسانك مليارات وانت والله
انك من سلاطين الشعر خل القصايد اللي كما عيش الدجر عندي
ماهلا اديسها باالخشبه وسلامتك من الحمى واجر وعافيه انشاءالله
واقبل هذا الرد المتواضع من قيس معرفتيه واعذرني على القصور

الرد:علي السبيه=
.=
البقى يامرحب يوم جاء لي في المبدا طلال=
انا ماغيّبتني الا ضروفي ولا اجي الا محبه=
وانا مااتجاهل اهل الطيب واهل الوفا وانا علي=
اسعد اوقات عمري يوم انا ابقى مع ربعي وناسي=
والذي قد حضر لا عاد تنشد عنه وش غيّبه=
لا تقول السبيه وشمعه ينكر العهد اونسيه=
السبيه مع ارجال المسرى وكم يغلي رباع=
كل دارً يحبه خاطري لازم امرّه واعوده=
ورباع المسرى روز الامداح ماانسى داراها=

اخي العزيز على السبيه بيض الله وجهك على هذا الرد الوافي وانا اشهد بانه من شخص وافي ولاعدمناك يالغالي على هذا الابداع وهذا الرد المجمل وانت من اهل الجمايل والشيم الحقيقه انك شاعر متمكن والله يعطيك زود الصحه والعىافيه يابو طلال