هكذا كانت طفولتي

ضاقت علي ارضٍ رحوب واصبحت فاقد للامـان=احس ما عاد به ونيـس وحضـي الله مـا انكـده
طفل بعد توني صغيـر مـا اتحمـل الام الزمـان=راح السند راح العويـن والوقـت يالله مـا عنـده
ابوي في لحظه رحل يا ناس ويـن القـى الحنـان=لا رحت عني يـا يبـه مـن عـاد قلبـي يسعـده
ما اشوف حولي اي شيء غير التعازي والصـوان=فقـدت احسـاس الصغيـر اللـي حنانـه يفقـده
امي تواسينـي وهـي ادموعهـا تغشـى العيـان=يا كيف تتحمـل عيـال اكبرهـم مـا بيّـن غـده
واتحملت كل الظروف غيـر التعـب فيهـا يبـان=عجوزٍ اتعبها الزمـان غيـر الظـروف المجهـده
وغادروا عني جميع ما عـاد بقـي غيـر المكـان=واصبحت ما بين الجبال وحيد وباكـر مـا ابعـده
واصبحت في حيـره وحيـد واقـول يالله المعـان=الصبـح اروح المدرسـه واحلـم وقلبـي اجلـده
واشيل همي بالرجوع لا مّـن وقـت اليـل حـان=وشلون باقضـي ليلتـي والقلـب خوفـه يرعـده
كابدت وحدي في ظلام لا لـي معيـن ولا عـوان=اطبخ عشـاي ابوحدتـي واحـروق قلبـي توقـده
والف بعضي في بعض واتحسس الفجـر ابيبـان=ليـلٍ طويـل امعانـده يـا معنـده يـا مـبـرده
ماحدٍ يذاكر لي الدروس ولا احدٍ يقول لي وش كان=ماحدٍ سال كيف الـدروس مدرسـي مـن ينشـده
اكفكف ادموعي وانا عايـش مـع نفسـي رهـان=اما اكون او لا اكون في ها الظـروف المؤصـده
دعيت ربي فـي سكـون ابـوي يسكنـه الجنـان=وتشفـي امـي ياكريـم مـن السقـوم المـرقـده