قصص من طفولتي ... اتمنى المشاركة من الجميع

الاخت العزيزة احلى الديار
السلام عليكم ورحمة الله وبركاته
وجهة الدعوة لي بان اشارك هنا في متصفحك عن الطفولة والصغر والذكريات وهذا اجمل ما يمكن ان يتحدث عنه المراء في الكبر ويعود بالذاكرة الى الورا الى سنين قد خلت ولاكنها تبقى في مخيلة كل انسان وعند مايتذكر ما كان يضحك تارة ويحزن تارة اخرى على الماضي الجميل وكيف كان وماذى هوا عليه الان اختي العزيزه ايه الاخوة والاخوات اقدم الشكر والامتنان الى الاخت العزيزه احلى الديار لااختيارها هذا الموضوع الشيق الذي يعود بنا الى الصغر ونتحدث فيه عن ذكرياتنا الجميلة التي لايمكن ننساء تلك المواقف وهي كثيرة جدا وما لديه منها سوف اروي لكم قصة واحدة منها لاتزال ترفرف في مخيلتي واضحك تارة واحزن تارة اخرى على ماحدث في ذالك اليوم وفي رباع الخير كان هناك عرس اى زواج احد ابنا رباع ونحن صغار حضرنا العرس وكانت الديرة اى القرية يمر بها نهر جميل يخترق القرية من الجهة الشرقية عبر الطرق واللنجول وكان هناك بئر والبئر ليس عميق بل هوا متوسط الحفر ونسبح فيه صغارا وكبار(اسمه بئر الصليلي ولاكن لمن يجيد السباحة وليس كل من هب ودب ينزل الماء وهناك كانت الناس تلهو في الفرح والاولاد يذهبون لسباحة ويدعون لها كل من يريد يسبح في اليم والبئروغيره وفي ذالك اليوم كان هناك نفر من الاصدقا ونحن نسبح اتا الينا احد ابنا القرية لايسمع ولا يتحدث انه ابكم ويدعى بهذاى الاسم (الابكم) كنيته نحبه جميعا وعنده ذكا خارق ولاكن خانه الحظ في هذا اليوم نحن على هذا الحال فصخ ملابسه وقفز في البئر معنى عند ما شاهد الاولاد يسبحون ولاكن الى اين الى العمق نزل ولم يكن يعرف السباحة مطلقا وقد صاح الجميع الابكم مايسبح الابكم نزل الى العمق ولم يطلع علينا ولاكنه طلع ثم نزل مرة اخرى وهواء مستصح اى عليه جسم كبير وكان احد الصبية يراقبه وعند طلعته الثالثه من العمق امسك به وتساعدنا عليه واخرجناه الى خارج البير وافرغنا الما منه وهوا لايعلم شي اى انه اغمي عليه وقد خفنا عليه من الموت المحقق وكذالك خفنا من والده الذي فعلا قد اتا عند سماع الصياح والجماعة كلهم اقبلو علينا من مكان العرس وشالو الابكم ولاكن هناك حساب ان والد الابكم يطالب بمعرفت من قام بتشجيع ابنه على السباحة واتهمنا باننا كنا على علم بما قام به الابكم واصبح الامر في يد عريفة القرية وكبار المصلحين بين والد الابكم وعدد من اسرنا لصلح وانتهت المشكله بعد عنا شديد بين الجماعة وحلف اليمين بانه لم يكن احد يعلم عن الابكم انه سوف ينزل الى البر لسباحة وهذه القصة لاانساها ماحييت والكم مني التحية والشكر الجزيل
مشهور

ههههههههه أخي الغالي عين الجمل
أشهد الله إني أحبك فيه....وإنك قطعت بطني بالضحك الله يسامحك...هااااااااااااااي
حلبوب هاه....يعني ما أشوف شيء أعمى حلوه....وبعدين هذي قصص طفوله
لا يشترط فيها اللهجه الخاصه أنت والأخت لؤلؤه مرجع في لهجات الجنوب وهذا
من فضل الله عليكم ....وبالنسبه للخمس البنات أتوقع تزوجن وما بقى منهن أحد...هههههه
وأسعدك الله عليك تعليقات ووقفات رائعه ....لا تصدر إلا من يملك قوه في اللغه وسرعة بديهه
وهذي مجتمعه فيك ....ما شاء الله تبارك الله
أشكرك على مرورك وتعليقك وبانتظار سماع قصه من قصصك الرائعه....تحيــــــــــــــــة

هلا ومرحباً بك أستاذنا مشهور
نورت الموضوع والمتصفح ...
وياليت نستمع للمزيد من قصص الطفوله لديك
ولك مني خالص الود
آمير الكونــ

حللت اهلا ونزلت سهلا يا استاذنا الفاضل مشهوور
لشرف لي لتواجدك في متصفحي وقبول دعوتي
فلك كل الشكر والتقدير
فلا زلنا ننتظر اجمل القصص
دمت ودام قلمك ينبض بكل خير

ههههههههه أفا يا عين الجمل
ما توقعتها منك تشبهني بهذا الحلبوب الذي أخبرتني عنه أختي لؤلؤه
سامحك الله يعني أمنعني من هذي التشبيهات الخطيره الله يرضى عليكمطعمم
وبعدين هذا لاهو ثعبان ولا هو شيء معروف ومشهور من الزواحف الخطيره أتوقع
بس يجي منك أكثر يا عين الجمل ....الأيام حبلى بيننا سأرى ماذا ستصفني مره أخرى
والحسابه بتحسب والشهود موجودين ونثارة الفتنه موجوده آسف أقصد ( المحاميه) لؤلؤة زهران
موجوده...........أشكرك أختي لؤلؤة زهران على دفاعك عني ولفت نظري لهذا التشبيه المقزز..بكاااااااااااء

امير الكون عين الجمل مايقصد لا تفهم غلط
شوفوا دهاء حواءتحيــــــــــــــــة
اخوي
الحلبوب حجمه صغير ويقولون اعمى كل شي يسقط فيه بس يطلع وهو معافي
واحكي لكم قصتي معه قبل سنوات كنا في الطايف في الشفاء في مكان مرتفع والجو روعه عصريه بعد هطول المطر المهم اختكم لؤلؤة من عشاق الطبيعه معاي كاميرا تصوير فديو اصور المناظر والامطار المهم وانا مبحلقه اصور الغيوم وراى صخره تعبت من الوقوف قلت اتسطح عليها واصور افضل وانا مندمجه مع الغيوم الا احس ببروده غريبه على رجلي حركت رجلي واكملت التصوير شويه حركه غريبه طبعا الكاميرا شغاله واول ماطالت وانا اشوف الحلبوب والله لا يوريكم ارمي الكاميرا والعبايه واصيح مثل المجنونه في جميع الاتجاهات واناقز من صخره لثانيه واهلي عندي ماخليت احد يقرب مني ولا يعرف وش السالفه والناس اللي حوالينا يطالعون وش الي حصل
والله العظيم اني ماوقفت وانا في مكان بعيد عن اهلي مرتفع يوم اطالع في الارتفاع واذكر الله واسمي بالرحمن واجلس احاول افتكر وش صار ماقدرت لاني من شدة الخوف تصرفت من غير وعي جوني الاهل وش فيك وش صار قلت لهم شفت ثعبان طلع على رجلي ماكنت اعرفه اول مره اشوفه كان فيه واحد من اهلي يضحك جاني قال شوفي الثعبان وهو شايله على راس عود يمكن طوله شبر تقريبا قال تصدقين ان الكاميرا شغاله وصوتك وفجعتك تقدري تشوفيها وانا بعد كملت باقي المشهد وصورت الحلبوب يالخبله
كان من اصعب المواقف اللي مرت عليه الى الان وانا مستحيل اجلس على صخره واول ماشوف الثعبان قصدي الحلبوب يجيني خوف ويقشعر جسمي مع انه يقولون مايأذي طبعا ماكنت طفله
قبلالعشرين بشوي بس العقل ما ولا طبحلسه
تحياتي وتقديري للجميع

امير الكون ..

فديتهم خوااااااالي مايمدي احد يتشمت فيهم ..

اسعدني مرورك خالي العزيز ..


استاذي عين الجمل ..

الا منع الله عمته من مفاتيحه ذاك اليوم ..

وابشر ماطلبت غالي لكن احس اني جايبه العيد جايبته ؟.

يسلم مرورك وتعليقك .استاذي الفاضل.

لاعدمتك..

لؤلؤه زهران ..

ماعليك وقتها بتصرف معاه .

فديت قلبش وخت موتش ..


احلا الديار ..
مرحبن ملاييين ..

ولاتعلمينهم من ايش تضحكين لايعينوني على عقلي ..

ربي يحفظش ومشكوره على مرورش الرائع اسعدتيني يالغاليه ..

واعذروني على التقصير في الردود والتواجد ..

احسرني لااروح وانا ماعطيتكم قصه



عشان كذا معي سالفة قصيره اسمعوها


يدي كبير في السن عمره 10برا (بعدالمائة ) وهو شايب خرف ولا عاد يعرف حتى وش اسمه الله يشفيه..

فصار لزام علينا يقعد واحد معه من أفراد العائلة ما يخلونه لحاله

لانه لو طلع من البيت معادعرف يرجع

كنا قعود انا وبويه ويدي ويدتي في البلكونه ما نتلفت في الجزيرة


الوثائقية في اسود ما تتعرش في كرش ثورعقروه الله يكرمكم .

وشويه إلا يوم بكى يدي وبدا يمسح في دموعه.

صار طبيعي لانه دايم يبكي ولا ندري ليه ؟

نسأله ولايدري ليه يبكي ..


لكن المره هذه كان نحيب بشكل ملفت تلفت فيه يابويه

فقال : ياابي مذابك ياريال مذا سنع البكاء ذيه.

قال يدي: اقولكم والله اني عدت اشوف مقعدي في الجنة !!

تلفتنا في بعض قلنا يمكن ان المرّة هذي صدق !

قربنا منه وتحسسنا قلبه وحرارته ، ويدتي في طرف

البلكونه طقت بالبكوه ياخرااااااااابي يا لهوووووي ويزيد

جدي في النحيب ( فلم هندي ) ويصيح واموت واموت

سامحوني سامحوني

ونتحسسه ثاني مره ونقوله اذكر الله يارجال وتشهد اذكر

الله ... قال لا إله إلا الله

فتلفت وهو يهل من الدموع في يدتي في طرف البلكونه قال

من هي تياك؟

قال بويه ايها مرتك فلانه فأبك

قال والله اني اشوف مقعدها في الناااااااارفخوري يايدتي خوري خوري

شهيق خولف ارتعدت فرائصها

بغى يجي في عقلها فك منه مسكينة الله ...

فأتلفت أنا في بويه تعيينا منذا نسكت ذيه ولا تيه

فيهدي بويه فيهم يابويه تشهد واذكر الله

( وهو عنده شك انه يتوهم الشايب )

فيقول بويه ليدتي : ياامي اذكري الله يابنت الحلال عنيه

عاد مخرف ولا حن ونصدقه وهذا امر والله ولااحد بيدخل الجنه الا برحمته .

يهديها مسكينه قاعده تتخيل مكانها في النار وبكاء

وبينما هم كذلك في معمعة البكاء

دخلت الشغاله بصحن عيش وذابعد من الغداء

ومدت السفره وسط العرصه وهي فاغره!

اتعيا مذا سنع الشيبان ما يتباكون؟

فقال يدي وهو باقي يشهق : من هي تيه؟

قال بويه : ايها الخدامه فلانه يات بالعشاء ..

فأسكت يا يدي شويه !!!! فانه يقول :هيا استعنا بالله قام

الحظ قال بويه : وين وتسير؟

قال يدي ونتعشى !!

قال بويه : والجنة متى وتروحها ؟؟

قال الشايب : بعد العشاء ياريال غير قوموا

نتعشى ذلحين.

ولكم ان تتخيلو يا حباني موجة الضحك الي حصلت في

البلكونه... ويدتي ما تصيح من طرف البلكونه يوف عسى

الله يخذلك شايب ما سلمنا منك بخير ولاسلمنا منك وانت

مخرف


الله يشفي الشايب ويختم له بالجنة ويغفرللكهله ويختم لها

بالجنة ولنا كلنا والسامع يقول آمين

واقعدو في العافية ..


التعليق


جوعه حاار جدي انساه الجنه هههههههههههههههههههه



ودعواااااااااااتكم ...

خلفتنا عليكم العافيه ..

ههههههههه هذولا الشيبان وإلا بلاااااش
قصه طريفه وحزينه في الوقت نفسه ....
ليتني أوصل عمر جدك واصير مخرف مثله مرتين.....ههههه
لا تقطعينا من تواصلك عناقيد...ميه ميـه

عـدنا

الله يجعل حضوري

خفيف على النفوس
ويبعد عنا وعنكم حقد الملاعين المجوس

،،

ويقول الشاعر

تكاثرت الضباء على خراش
فما يدري خراش ما يصيد

والعبد الفقير > عين ام جمل

تكاثرت الروايا و الحكايا
وما ندري ماذا نقطب
فكلها فُرعه وكشخة
ناس ٌ في البير غمت
وناس ٌتخرف وتضحك
وناس ٌ من الحلبوب تخرع

،،،،
فُرعة : جميلة ورائعة
قطّب : فعل أمر بمعنى امسك

وفي البحرين يقولون جوّد
جود عليه جود
كمنجة يا كمنجة

( تراني ما أحب الأغاني ... بس كرمال الطيبين ننتزي في المواص ونقول يا سـلام )

اولا
نقول لصبي آل ثابت لا تعير مسامعك
للوشاة

وإذا في خاطرك ما يكدر صفو الوداد

ما بيني وبينك ، فابشر بالحق

وتقبل مني هذة

هاك

أزم

قطب

قدرك يمين

لأنني قاعد أصور بيدي اليمين

وش ترد به عليه

تقول : شمالك يمين وعجفاك سمين

امسك

وإذا إعجبك

زدناك .... حتى تقول خلاص الله يرحم من جابك

،،،،

عناقيد

مبروك وسام العضو المميز

هيا غيري ام خلوقة تمعك مع كعشتها في التوقيع
وحطي وسام التميز

لأنني كل ما ادخل اقعد اتنحنح ااحححح

( ولد مؤدب الله يخليني لكهلتي )

،،،،

رائعين مبدعين يا شباب ويا بنات

تحية اسبشل لأخونا وشيخ المنتدى ( مشهور )