للي يعز القصيد ويغليه

رفاقتي خيّلو فيه وفهد بن دماس ابيستفرد بي في هذه الصفحه
ويشرّق ويغرّب فيه على كيفه لكن عادي مايضر مقتولن طعنه

الرد:علي السبيه=
.=
لو كان عندك جمال وعندك انياق واقعود=
والا يكون تغدي اموالك كما مال هامان=
مصيرك ابتنتلف والمال يغدي تواليف=
خذها نصيحة ونفّذ لا وصل لك مدى امري=
ياكم عضام(ن) بترنا صلبها بتوريه=

ماشاء الله عليك ويعجبني تواضعك لانك انت ماشاء الله من خيرة الشعار وقوافيك ماشاء الله صواريخ ولا تحتاج شهاده من احد يا بو طلال

بدع

حليل قلبٌ تحرى له كتابٌ ومطرود=
امسى بدنيا الشقا متعوب قاضي وهيمان=
يا صاحبي كيف يصبر من بقلبه مها نيف=
ان كان عندك علاجه.. غرد الصبح قُمري=
والا فخله دواه طروقه السامريه=

فهد بن دماس : صح لسانك



علي السبية : كفيت ووفيت



المـوج الجندبي

من طيبك ياشيخ فهد وعلى الله ردودي توفي بدوعك الرائعه

الرد:علي السبيه=
.=
في ليلة الحب والعاذل مقفي ومطرود=
سمرة محبين مافيها دواشر وهيمان=
مع نجوم العشيه والدلال المهانيف=
ناخذ ونعطي سوى لي فارق الصبح قمري=
مع كحيل النضر والليله السامريه=

بدع

يا صاحبي وسط قلبي مثل صفره وعبرود=
ابصر جُمال التهم هامت بعِدٍّ(ن) وغدران=
نعم وانا امنت باللي له في الكون تصريف=
والشيبه في تالي ازمانه مايرجع بغُمري=
يوم اختلط مسقوي الناس والعثريه=

الرد:علي السبيه=
.=
حىالله اللي يعبرد في معانيه عبرود=
عاقل ولا يلحقه ضنه وتهمه وغدران=
مثيل غزر البحر ماضن للبحر تصريف=
القلب الاخضر بتغمره المودات غمري=
والشيبه عادت ضروفه كلها عثربه=

شكرا ابو طلال عشتم وعاش حرفكم استمتعنا بمحاورتكم والى لقاء اخر ..

بدع

تعيش يا من صرفت اغلى الذهب له ومنقود=
ما ضنتي حازها بقشان والا الرميزان=
خذها هديه من اهل العلم واهل المعاريف=
عساك ع الوعد مثل الشمس في كبد عصري=
واقول هام السحب لك يا علي عامريه=

تسلم ياشيخ فهد وانا تشرفت بمحاورتي معك في هذه الصفحه واعذرني ان حصل مني قصور

الرد:علي السبيه=
.=
سلمت والله يجنّبنا غثا كل منقود=
ما كل واحد فهم معنى اللغز والرميزان=
والناس متفاوته ماكل ابوهم معاريف=
واهل القصص من زمان فات الى الوقت عصري=
يقلون كم بهذلت مجنونها العامريه=