عندك يابن الجنوب لاهنت

مقدر ضرفك ياعلي الله يعينك ولكن خذ راحتك عادي الله يوفقك .
بدع/الخامس
مدري انتم وسط الاتعاب والا منسميـن
يالذي في كل مبدا نحصلكم وجــــــــــاد
مالكم في الكلمه الي غدت في ولج ميل
ازهمنا بالكلمه الطيبه حتى يجـــــي ود
يالذي بعمال كفك تودش رابهـــــــــــــا

الله يعين الجميع وتسلم على هذا الكلام الطّيب...

الرد:إبن الجنوب=
*=
النّشاما يكرمون المسيّر من سمين=
والكريم إبن الكريم اللذي رحّب وجاد=
في بيوت(ن)عمّرت للضيافه والجميل=
والبخيل اللاّش مانرقبه حتى يجيود=
شربة الماء من يده ماتودّ أشرابها=

الله يعطيك العافيه ياعلي كلامك يفك الراس ماشاء الله ماودك الا تتلذذ بالكلام.

بدع/الخامس
مدري احنا في مواجيبنا والا اثميـــن
الكلام اضفى على كل متواجـــد وزاد
يالله اني ادعيك يارب يامنشي قليــل
اعطني قلبن يظاهي في الدنيا وجامد
يقطع ارقاب اهل الظلم واتعشابهـــا

صحت السنتكم يا المطاليق واصلوا واصلوا وانحن معكم متابعين

أشكرك يالخامس ومدري كلامي يفك الرأس من هيالته وإلا من ذماته ..لكن تراني مجتهد ولا يلام المرء بعد إجتهاده...

الرد:إبن الجنوب=
*=
صبرة البر ماتجي من فلج وإلاّ ثمين=
واحدن ودّك يجي بينكم ملحن وزاد=
طيبة الخاطر تجمّل ولو من شي قليل=
وإللي أشقى أهله على قلّ محصوله وجا مد=
صبرته ماسدّته يوم وأتعشّى بها=

لا والله ياعلي انه من الهياله لا تخاف هذا راي جمهورك
الرد/الخامس
ياحليل الي وقع في يدين المرجفيـــــن
مايطيق انه يقاويك ياالسبع الشـــــداد
يمكن انه يذرف الدمع في الليل الطويل
ماله الايدعي الله ويزور المساجــــــــد
ثم يترك جبهته طايله بترابهـــــــــــــا