انا ودي اكتب عريضه واهب للبنط لون (*( كل شعار المنتدى )*)

=الــــــــبــــــــــــــــدع /
=الذهب له مكنز(ن) بالمحاجر والرزون
=ما يبـدل قيمتــه واشــي ان و شا ميات
=الذهب للعين سحره وصار حـلال بي
=مدري هو حب الذهب للغشم ولا صقاره
=والصقاره في هبوط الرجال و صدرها

مثل مقال اخي ابو صالح عدم التعجل في البدع حتى يم الرد على القصيده اللي قبلها ولم يتم الرد على بدعي حتى الان آمل الرد من الشعار وهم كثر او يسمح لنا ابو صالح كل واحد يبدع ويرد وشاكر تعاون الجميع 0

يا جمال الخبت من دون شي (ن) تهدرون

وانتم اقسى من ركام الحجـارة والصـلاة

والنحاس اصفر ولاكـن ماهـو مذهبـي

كم دروب تتلف الروح من بعـد المـراره

والدروب العوج وش عرف الأعمى لهـا


تقبل الرد المتواضع يالملك
ياشباب اليوم لا عماركم لا تهدرون

السعيد اللي حفظ حق جاره والصلاة

الكذب والغش ياناس ماهو مذهبي

مانذوقت الحلى غير من بعد المراره

والبشر دايم تبشر بفال اعمالها

اشكرك وبيض الله وجهك وصح لسانك ياالنشمي

صح بدنك ياملك الليل
واعذرني على القصور لان بدعك كان يستاهل اجمل من ردي المتواظع

الله يعطي الجميع العافية والمعذرة فالتأخير والله ان توي قريت الموضوع
أشغلتنا الدنيا والله يعيننا عليها بالصبر.
وانا هنا حصلت أخر بدع لشاعر عبدالله الكناني وأستبيحه عذر فالرد

الرد=
.=
قلتها ياناعس الطرف يالعقل الرزون=
ياهنوفاً غار منها جمال الشاميات=
لجلها ارخص كل غالي وحتى مال ابي=
وأجعل الصقار من شانها ينسى صقاره=
وأخسر الدنيا رضى ضمةً من صدرها=

المشاركة الأصلية كتبت بواسطة بن سلمان

الله يعطي الجميع العافية والمعذرة فالتأخير والله ان توي قريت الموضوع
أشغلتنا الدنيا والله يعيننا عليها بالصبر.
وانا هنا حصلت أخر بدع لشاعر عبدالله الكناني وأستبيحه عذر فالرد

الرد=
.=
قلتها ياناعس الطرف يالعقل الرزون=
ياهنوفاً غار منها جمال الشاميات=
لجلها ارخص كل غالي وحتى مال ابي=
وأجعل الصقار من شانها ينسى صقاره=
وأخسر الدنيا رضى ضمةً من صدرها=

صح لساااااااااااااانك و الله لكفيت ووفيت شاعر متمكن وجمل الله حالك يا مبدع ..

اسمحو لي بدع ثاني والرد يابن خضران
البدع
ياولد خضران انا ادري ان ما للماي لــون=
لا تحسب ان الذي يوردون المـــــا جنات=
قدرك قدر اخي وقدر الأبو زي قدر ابـي=
غير خل المهره تسرح كما باقــي المهاره=
لا تشد ارباطها ولا تصك اقفالهـــــــــا=

بيض الله وجوهكم وصحت السنتكم يارجال

وتحيه خاصه لصاحب هذا التجمع الفكري الشاعري

الشاعر الكبير ابو صالح

ولي عوده ان سمحت ظروفي ان شاء الله

محبكم

الصهيبي

شكرا لكافة الشعراء على هذا التجمع المتميز فعلا بوجود نخبة متميزة لم تجتمع من قبل كما اجتمعت في هذا المتصفح .. ونسال الله للفكرة النجاح ..
وبالفعل الكل ينتظر دوره لكي تظهر المحاورة بالمظهر الذي يرضيكم انتم اولا قبل كل شي

وتقبلو شكري الجزيل مرة أخرى لكل فرد فيكم .. واصلوا ابداعكم وروعة ابداعكم